ന്യൂദല്ഹി: ജപ്പാന് പ്രധാനമന്ത്രി ഷിന്സോ അബിയുടെ സന്ദര്ശനത്തോടെ ഇന്ത്യയും ജപ്പാനും തമ്മിലുളള ഉഭയകക്ഷി ബന്ധം ദൃഢമാകുകയാണ്. ജപ്പാനുമായുളള പ്രഥമ പ്രതിരോധ ഇടപാടു സംബന്ധിച്ച് ഇന്ത്യയുടന് തീരുമാനമെടുക്കുമെന്നാണ് സൂചന.
പ്രതിരോധത്തിലും ന്യൂക്ലിയര് സാങ്കേതിക മേഖലയിലും ഇരു രാജ്യങ്ങളും കൈകോര്ത്ത് പ്രവര്ത്തിക്കും. കരയിലും കടലിലും ഉപയോഗിക്കാവുന്ന യുസ് -2 വിമാനം ജപ്പാനില് നിന്ന് വാങ്ങുന്നകാര്യത്തില് ഉടനെ തീരുമാനമെടുക്കും.ഇൗ ഇടപാടുമായി ബന്ധപ്പെട്ട് ചര്ച്ചതുടങ്ങിയിട് വര്ഷങ്ങളായി. ജപ്പാനിലെ ന്യൂക്ലിയര് കമ്പനികളുമായി കൂടുതല് സഹകരിച്ച പ്രവര്ത്തിക്കാന് ഇന്ത്യ തയ്യാറെടുക്കുകയാണ്. പ്രതിരോധ മേഖലയില് ഇന്ത്യയെ ഏറ്റവും അടുത്ത പങ്കാളിയാക്കാനുളള ഒരുക്കത്തിലാണ് ജപ്പാന്.
ഉത്തരകൊറിയയുടെ ഭീഷണി രൂക്ഷമായ സാഹചര്യത്തില് ബാലിസ്റ്റിക് , ക്രൂയിസ് മിസൈലുകള് തൊടുത്തുവിടാന് കഴിയുന്ന ശക്തനായ പങ്കാളിയെ തേടുകയാണെന്ന് ജപ്പാന്റെ വിശേദകാര്യ ഉപദേഷ്ടാവ് കഴിഞ്ഞ ദിവസം ന്യൂദല്ഹിയില് പറഞ്ഞിരുന്നു. ഏഷ്യന് മേഖലയില് ചൈനയുടെ കന്നുകയറ്റം തടയുന്നതിനായി ജപ്പാനും ഇന്ത്യയും ഏഷ്യ, ആഫ്രിക്കന് രാജ്യങ്ങളില് വമ്പന് പദ്ധികള് ആരംഭിക്കും. ജപ്പാന് പ്രധാനമന്ത്രിയുടെ സന്ദര്ശന പരിപാടികള് ഇന്നലെ ആരംഭിച്ചു.
