ചണ്ഡീഗഡ്: ബലാത്സംഗക്കേസില് ജയില് ശിക്ഷ അനുഭവിക്കുന്ന ഗുര്മീത് രാം റഹിമിന് അമിത ലൈംഗികാസക്തിയെന്ന് അയാളെ പരിശോധിച്ച മെഡിക്കല് സംഘം. രണ്ടു മാനഭംഗക്കേസുകളില് ഇരുപതു വര്ഷം ജയില് ശിക്ഷക്കു വിധിച്ച് റോത്തക് ജയിലില് കഴിയുന്ന രാം റഹിമിനെ കഴിഞ്ഞ ദിവസം സൈക്യാട്രിസ്റ്റ് അടങ്ങുന്ന ഡോക്ടര്മാരുടെ സംഘമാണ് പരിശോധിച്ചത്.
തനിക്കു ലൈംഗിക ശേഷയില്ലെന്നും മാനഭംഗക്കേസ് കെട്ടിച്ചമച്ചതാണെന്നും ഇയാള് കോടതിയില് പറഞ്ഞിരുന്നു. കുറച്ചു ദിവസങ്ങളായി കടുത്ത ശാരീരിക അസ്വസ്ഥതകള് പ്രകടിച്ചപ്പോഴാണ് പരിശോധനയ്ക്കായി ജയില് അധികൃതര് മെഡിക്കല് സംഘത്തിന്റെ സേവനം തേടിയത്.
രാം റഹിം ലൈംഗികാസക്തിക്ക് അടിമയാണെന്നാണ് ഡോക്ടര്മാര് കണ്ടെത്തിയത്. ജയിലിലായതിനു ശേഷം ഇത്തരത്തിലുള്ള ശാരീരിക സുഖം ലഭിക്കാത്തതിന്റെ അസ്വസ്ഥതകളാണ് കാട്ടുന്നത്. ഇതിന് ചകിത്സ അത്യാവശ്യമാണ്. പെട്ടെന്നു ചികിത്സ ലഭ്യമാക്കിയില്ലെങ്കില് ഗുരുതരമായ അവസ്ഥയുണ്ടാവുമെന്നും ഡോക്ടര്മാരുടെ സംഘം മുന്നറിയിപ്പു നല്കി.
രാം റഹിം മയക്കുമരുന്നിന് അടിമയായിരുന്നെന്നും റിപ്പോര്ട്ടുണ്ട്. ജയലില് മയക്കുമരുന്നു കിട്ടാത്തതിന്റെ അസ്വസ്ഥതയാണു പ്രകടിപ്പിക്കുന്നതെന്നും പറയുന്നു. എന്നാല് ഇക്കാര്യത്തില് മെഡിക്കല് സംഘത്തിന്റെ സ്ഥിരീകരണമില്ല.
ലൈംഗിക ശേഷിയില്ലന്ന രാം റഹിമിന്റെ വാദം തെറ്റാണെന്നു തെളിയിക്കുന്ന വെളിപ്പെടുത്തലാണ് മെഡിക്കല് സംഘത്തിന്റേത്. എന്നാല് ഈ വാദം രാം റഹിം ഉന്നയിച്ചപ്പോള് പിന്നെങ്ങിനെ മക്കളുണ്ടായി എന്ന ചോദ്യം കോടതി ഉന്നയിച്ചിരുന്നു. കേസിന്റെ അപ്പീല്ഘട്ടത്തില് മെഡിക്കല് സംഘത്തിന്റെ കണ്ടെത്തല് സിബിഐ കോടതിയില് അവതരിപ്പിക്കുമെന്നാണ് കരുതുന്നത്.
