മാഹി: നാല്പ്പത് വര്ഷങ്ങളായി ഇഴഞ്ഞുനീങ്ങിയ മാഹി ബൈപ്പാസ് പ്രശ്നം പുതുശ്ശേരി മുഖ്യമന്തി നാരായണസ്വാമിയുടെ നേത്യത്വത്തില് നാഷണല് ഹൈവേ ഉന്നതാധികാരികളും ബൈപ്പാസ് ആക്ഷന് കമ്മിററി പ്രതിനിധികളും വിവിധ രാഷ്ട്രീയപാര്ട്ടി നേതാക്കളക്കളും സംബന്ധിച്ച യോഗത്തില് ജില്ലാതല പര്ച്ചേസ് കമ്മറ്റി തീരുമാനിച്ച തുകയും പലിശയും സഹിതം ഭൂമി നഷ്ടപ്പെടുന്നവര്ക്ക് അനുവദിച്ചു കൊടുക്കാന് തീരുമാനമായി. കഴിഞ്ഞ നാല്പ്പത് വര്ഷങ്ങളിലായി മാഹിയിലെ 220 കുടുമ്പങ്ങള് അനുഭവിച്ച കഷ്ടപ്പാടുകള്ക്ക് ഇതോടെ അറുതി വന്നിരിക്കയാണ്. കേന്ദ്രത്തിലും സംസ്ഥാനത്തും കോണ്ഗ്രസ് ഭരിച്ച കാലഘട്ടങ്ങളിലൊന്നും പ്രത്യേകിച്ച് മാഹിയിലെത്തന്നെ ശക്തനായ മന്ത്രി ഉണ്ടായിരുന്നിട്ടും തീര്ക്കാമായിരുന്ന ഈ നീറുന്ന പ്രശ്നം കണ്ടില്ലെന്ന് വെക്കുകയാണുണ്ടായത്. മാഹി എംഎല്എ രാമചന്ദ്രന് മാസ്റ്ററും ആക്ഷന് കമ്മറ്റി ഭാരവാഹികളും ബിജെപി നാഷണല് എക്സിക്യൂട്ടീവ് മെമ്പര് പി.കെ.കൃഷ്ണദാസിന്റെ നേതൃത്വത്തില് ബിജെപി മാഹി മണ്ഡലം പ്രസിഡണ്ട് സത്യന് ചാലക്കര, പുതുശ്ശേരി സംസ്ഥാന എക്സിക്യൂട്ടീവ് മെമ്പര് വിജയന് പുവ്വച്ചേരി എന്നിവരും കേന്ദ്ര ഉപരിതല ഗതാഗത വകുപ്പ് മന്ത്രി നിതിന് ഗഡ്കരിയുമായി ഡല്ഹിയില് വെച്ച് ചര്ച്ച നടത്തി സമവായത്തിലെത്തിയിരുന്നു. നിതിന് ഗഡ്കരിയുടെ നിര്ദ്ദേശപ്രകാരം പുതുശ്ശേരി മുഖ്യമന്ത്രി എന്എച്ച് അതോറിറ്റി ഉന്നതോദ്യോഗസ്ഥരും ആക്ഷന് കമ്മറ്റി ഭാരവാഹികളും വിവിധ രാഷ്ട്രീയ പാര്ട്ടി നേതാക്കളുമായി നടന്ന ചര്ച്ചയില് 2013 ല് ജില്ലാതല പര്ച്ചേസ് കമ്മറ്റി നിശ്ചയിച്ച നഷ്ടപരിഹാരം അനുവദിക്കുകയും കൂടുതലായി സ്റ്റേറ്റ് തല എംപവര്കമ്മറ്റി അംഗീകരിച്ച തീയ്യതി തൊട്ടുള്ള കാലയളവിലേക്ക് നാഷണല് ഹൈവേ അതോറിറ്റി അംഗീകരിച്ച പലിശ % അംഗീകരിച്ചു തീരുമാനമായി
പുതുശ്ശേരി മുഖ്യമന്ത്രി നാരായണസ്വാമിയുടെ സാന്നിധ്യത്തില് നടന്ന ചര്ച്ചയില് പുതുശ്ശേരി മന്ത്രിമാരായ ഷാജഹാന്, നമശ്ശിവായം, മാഹി എംഎല്എ രാമചന്ദ്രന് മാസ്റ്റര്, മാഹി അഡ്മിനിസ്ട്രേറ്റര് മാണിക്ക ദീപന്, സത്യന് ചാലക്കര, വിജയന് പൂവച്ചേരി, ടി.കെ.ഗംഗാധരന്, അഡ്വ ടി.അശോക് കുമാര്, അഡ്വ.എ.പി.അശോകന്, കണ്ണിപ്പൊയില് ബാബു എന്നിവര് ചര്ച്ചയില് പങ്കെടുത്തു.
