പട്ടാമ്പി:ശങ്കരമംഗലം ഉണ്ണിഭ്രാന്തന്‍ കാവ് ഭാഗത്തെ കുന്നിന്മുകളിലുണ്ടായ ഉരുള്‍പൊട്ടലില്‍ പ്രദേശത്ത് വന്‍തോതില്‍ കൃഷി നശിച്ചു.വീടുകള്‍ക്കും നാശനഷ്ടങ്ങള്‍ സംഭവിച്ചിട്ടുണ്ട്. ഫയര്‍ ഫോഴ്‌സ്,പോലീസ് എന്നിവര്‍ സംഭവസ്ഥലത്തെത്തി രക്ഷാപ്രവര്‍ത്തനം നടത്തി.ശക്തമായ മഴവെള്ള പാച്ചലില്‍ പ്രദേശത്തെ റോഡുകള്‍ ഒലിച്ചുപോയി. കൃഷി സ്ഥലങ്ങള്‍ വെള്ളം കയറി നശിച്ചു.
ഇന്നലെ രാവിലെ മുതലുണ്ടായ കനത്ത മഴയാണ് ഉരുള്‍പൊട്ടാന്‍ കാരണം. ഇരുപത്തഞ്ചോളം വീടുകളാണ് പ്രദേശത്തുള്ളത്.പെട്ടെന്നുണ്ടായ വെള്ളപ്പാച്ചിലില്‍ വീടുകളുടെ ഉള്ളില്‍ വെള്ളം കയറുകയും കിണറുകളില്‍ ചെളി വെള്ളം നിറയുകയും ചെയ്തു.കുന്നിനു മുകളില്‍ നിരവധി ക്വാറികള്‍ പ്രവര്‍ത്തിക്കുന്നുണ്ട്.മഴവെള്ളപ്പാച്ചിലില്‍ പ്രദേശത്തെ തോടുകള്‍ കരകവിഞ്ഞ് ഒഴുകുകയാണ്. അധികൃതര്‍ ജാഗ്രതാ നിര്‍ദ്ദേശം നല്‍കിയിട്ടുണ്ട്.
പ്രതികരിക്കാൻ ഇവിടെ എഴുതുക: