മണ്ണാര്ക്കാട്:കലാ സാംസ്കാരിക രംഗത്ത് വിജയം കൈവരിക്കണമെങ്കില് ധാര്മികബോധവും സാംസ്കാരിക ചിന്താഗതിയും വേണമെന്ന് സംവിധായകന് അലിഅക്ബര് അഭിപ്രായപ്പെട്ടു.മണ്ണാര്ക്കാട് നടന്ന തപസ്യ ജില്ലാസമ്മേളനവും മണ്ണാര്ക്കാട് യൂണിറ്റ് രൂപീകരണവും ഉദ്ഘാടനം ചെയ്തു സംസാരിക്കുകയായിരുന്നു അദ്ദേഹം.
ഭാരതീയകലകളും, സാഹിത്യവും,സംസ്കാരവും പരിപോഷിക്കുകയാണ് തപസ്യചെയ്യുന്നത്.പി.ആര്.പരമേശ്വരന് അധ്യക്ഷതവഹിച്ചു.
മണ്ണൂര് രാജകുമാരനുണ്ണി മുഖ്യാതിഥിയായി. തപസ്യ ജില്ലാ രക്ഷാധികാരി വി.കെ.സോമസുന്ദരന്,അരിയൂര് ഗോവിന്ദന്കുട്ടി,അനുരാജ് തുടങ്ങിയവര് പങ്കെടുത്തു.
പയ്യനടം ഗോപാലകൃഷ്ണന്,എ.കെ.നാരായണന്,ലീല കുമരംപത്തൂര്,രാധാകൃഷ്ണന് ,സുഷമ ബിന്ദു,പി.യു.ചിത്ര,കലാമണ്ഡലം അനീഷ് എന്നിവരെ ചടങ്ങില് ആദരിച്ചു.,
