മണ്ണാര്ക്കാട്:ഗണേശോത്സവത്തിന്റെ ഭാഗമായി മണ്ണാര്ക്കാട് ഗണേശോത്സവ സമിതിയുടെ ആഭിമുഖ്യത്തില് മണ്ണാര്ക്കാട് ടൗണില് നടക്കുന്ന നിമജ്ജനഘോഷയാത്ര 26ന് നടക്കുമെന്ന് ഭാരവാഹികള് പത്രസമ്മേളനത്തില് പറഞ്ഞു.
നൂറില്പ്പരം ഗണേശ വിഗ്രഹങ്ങള് ഇത്തവണ നഗരത്തില് ഘോഷയാത്രക്കായി സജ്ജമാക്കിയിട്ടുണ്ട്. ഘോഷയാത്ര 26ന് ഉച്ചയ്ക്ക് ഒരു മണിക്ക് നെല്ലിപ്പുഴ വിവേകാനന്ദ നഗറില് എത്തിച്ചേര്ന്ന് 2 മണിക്ക് ശോഭായാത്ര ആരംഭിക്കും.
ടൗണ് വഴി കോടതിപ്പാടി, കുന്തിപ്പുഴ, മിനിബൈപ്പാസ് വഴി നടക്കുന്ന ഘോഷയാത്ര ആറു മണിയോടുകൂടി ആറാട്ട് കടവില് എത്തിച്ചേരും. തുടര്ന്ന് ആറാട്ട് കടവില് ഗണേശ വിഗ്രഹങ്ങള് നിമജ്ജനം നടത്തും. വിവിധ ദേശങ്ങളില് നിന്നായി ഗണേശ വിഗ്രഹ ഘോഷയാത്രയില് പതിനായിരക്കണക്കിന് ഭക്തജനങ്ങള് പങ്കെടുക്കുമെന്ന് ഭാരവാഹികള് പറഞ്ഞു.
പത്രസമ്മേളനത്തില് അഡ്വ.കെ.പ്രകാശ്, എന്.അജയകുമാര്, ടി.പി.രാജന്, എസ്.മുരളീകൃഷ്ണന് എന്നിവര് പങ്കെടുത്തു.
