മലപ്പുറം: ഗ്രാമസഭകളിലെ പൊതുജന പങ്കാളിത്തം വര്‍ദ്ധിപ്പിക്കുന്നതിനും ജനകീയാസൂത്രണ പ്രക്രിയയില്‍ ഗ്രാമസഭകളുടെ പ്രാധാന്യത്തെക്കുറിച്ച് പൊതുജനങ്ങളില്‍ അവബോധം സൃഷ്ടിക്കുന്നതിനുവേണ്ടി തദ്ദേശസ്വയംഭരണ വകുപ്പിന്റെ കീഴില്‍ പ്രവര്‍ത്തിക്കുന്ന തദ്ദേശമിത്രം പദ്ധതി തെരുവുനാടകം ഇന്ന് മുതല്‍ 10 വരെ ജില്ലയിലെ പെരിന്തല്‍മണ്ണ, എടപ്പാള്‍, കോട്ടക്കല്‍, തിരൂര്‍, തിരൂരങ്ങാടി, മലപ്പുറം, മഞ്ചേരി, കൂട്ടിലങ്ങാടി, കൊണ്ടോട്ടി എന്നിവിടങ്ങളില്‍ പ്രദര്‍ശനം നടത്തും. പര്യടനത്തിന്റെ ജില്ലാതല ഉദ്ഘാടനം പെരിന്തല്‍മണ്ണയില്‍ നടക്കും.
”ഒരു ഗ്രാമം പറഞ്ഞ കഥ” എന്നതാണ് നാടകത്തിന്റെ പേര്. ജനമൈത്രി പോലീസാണ് തദ്ദേശമിത്രം അവതരിപ്പിക്കുന്ന നാടകം ജനങ്ങളിലേക്ക് എത്തിക്കുന്നത്. തദ്ദേശസ്വയംഭരണ സ്ഥാപനങ്ങളുടെ വികസനക്ഷേമ പദ്ധതികളെക്കുറിച്ചും ഓരോ പ്രദേശത്തെയും വികസന പ്രക്രിയകളില്‍ പങ്കെടുക്കാന്‍ ജനങ്ങള്‍ക്ക് അധികാരം നല്‍കുന്ന ഗ്രാമസഭയെക്കുറിച്ചും പൊതുജനങ്ങള്‍ക്ക് ബോധവല്‍ക്കരണം നല്‍കുകയാണ് നാടക അവതരണത്തിന്റെ ലക്ഷ്യം.
പ്രതികരിക്കാൻ ഇവിടെ എഴുതുക: