ന്യൂദല്‍ഹി: നജാഫ്ഗഢില്‍ മനുഷ്യശരീരം മൃതദേഹം വെട്ടിനുറുക്കി ബാഗുകളിലാക്കി ഉപേക്ഷിച്ച നിലയില്‍ കണ്ടെത്തി. ദല്‍ഹിയിലെ നജാഫ്ഗഢില്‍ ഞായറാഴ്ച രാവിലെ ശുചീകരണ തൊഴിലാളികളാണ് വിജനമായ പ്രദേശത്ത് ബാഗ് ഉപേക്ഷിച്ച നിലയില്‍ കണ്ടെത്തിയത്
ഏകദേശം 35 വയസ്സിനടുത്ത് പ്രായമുള്ളയാളാണ് കൊല്ലപ്പെട്ടിരിക്കുന്നതെന്നാണ് പോലീസ് നിഗമനം.മൃതദേഹത്തിന്റെ കയ്യില്‍ ചിഹ്നം പതിപ്പിച്ച നിലയിലായിരുന്നു. കൈകാലുകളും ശരീരത്തിന്റെ മുഴുവന്‍ ഭാഗങ്ങളും കഷ്ണങ്ങളാക്കിയ നിലയിലായിരുന്നു.
ആളെ തിരിച്ചറിയാന്‍ കഴിഞ്ഞിട്ടില്ല. മൃതദേഹം പോസ്റ്റ്മോര്‍ട്ടത്തിനായി ആശുപത്രിയിലേക്ക് മാറ്റി. പ്രഥമിക പരിശോധനയ്‌ക്ക് ശേഷം കേസ് രജിസ്റ്റര്‍ ചെയ്തു. കയ്യില്‍ കണ്ട ചിഹ്നം അന്വേഷണത്തെ സഹായിക്കുമെന്നാണ് പോലീസ് കരുതുന്നത്. ബാഗിന് സമീപം രക്തപ്പാടുകള്‍ ഒന്നും കണ്ടെത്തിയിട്ടില്ലെന്നും മറ്റെവിടെയെങ്കിലും വച്ച് കൊലപാതകം നടത്തി ഇവിടെ ഉപേക്ഷിച്ചതാവാമെന്നാണ് പോലീസ് കരുതുന്നത്.
പ്രതികരിക്കാൻ ഇവിടെ എഴുതുക: