അങ്ങാടിപ്പുറം: രാഷ്ട്രവിരുദ്ധ ശക്തികള്ക്കെതിരെ ജില്ലയിലെ പൊതുസമൂഹം ജാഗ്രത പാലിക്കണമെന്ന് ആര്എസ്എസ് പ്രാന്തീയ ബൗദ്ധിക്പ്രമുഖ് കെ.പി.രാധാകൃഷ്ണന്. അങ്ങാടിപ്പുറത്ത് നടന്ന രാമസിംഹന് സ്മൃതിദിനത്തില് മുഖ്യപ്രഭാഷണം നടത്തുകയായിരുന്നു അദ്ദേഹം.
മാപ്പിള ലഹളയുടെ ദുരന്ത സ്മരണകളില് ഭയചകിതരായ ഹിന്ദുസമൂഹത്തിന്റെ പ്രതികരണ ശക്തിയില്ലായ്മയാണ് രാമസിംഹന് വധത്തിന് കാരണം എന്നാല് അതിന് ശേഷം ചിട്ടയായി നടന്ന ഹിന്ദു സംഘടനാ പ്രവര്ത്തനത്തിന്റെ ഫലമാണ് തളി ആരാധനാ സ്വാതന്ത്ര്യം.
എന്നാല് മലപ്പുറം ജില്ലാ രൂപീകരണ സമയത്ത് ദേശിയവാദികള് ആശങ്കപ്പെട്ടതുപോലെ ഇന്ന് രാഷ്ട്രവിരുദ്ധ പ്രവര്ത്തനങ്ങളുടെ കേന്ദ്രമായി ജില്ല മാറുകയാണ്, ഇതിനെതിരെ പൊതുസമൂഹം ജാഗ്രതപാലിക്കണം അദ്ദേഹം കൂട്ടിച്ചേര്ത്തു. അങ്ങാടിപ്പുറം കല്യാണി കല്യാണമണ്ഡപത്തില് നടന്ന പരിപാടിയില് എ.രാമചന്ദ്രന് അദ്ധ്യക്ഷത വഹിച്ചു. സംയോജകന് കെ.ഗോപി സ്വാഗതവും പി.എം.സുരേഷ് നന്ദിയും പറഞ്ഞു.
