വാളയാര്‍ : പ്രായപൂര്‍ത്തിയാകാത്ത പെണ്‍ക്കുട്ടിയെ പീഡിപ്പിച്ച സംഭവത്തില്‍ അഞ്ചുപേരെ പൊലീസ് കസ്റ്റഡിയിലെടുത്തു. ചുള്ളിമടയിലാണ് സംഭവം. സ്‌കൂള്‍ വിദ്യാര്‍ഥിനിയായ പതിനൊന്നുകാരിയാണ് പീഡനത്തിനിരയായത്.
കഴിഞ്ഞ ദിവസം ശാരീരിക അസ്യസ്ഥത അനുഭവപ്പെട്ടതിനെ തുടര്‍ന്ന് കുട്ടി ആശുപത്രിയില്‍ ചികിത്സ തേടിയപ്പോഴാണ് കുട്ടിയില്‍ നിന്ന് പീഡന വിവരം പുറത്തറിഞ്ഞത്. രക്ഷിതാക്കള്‍ നല്‍കിയ പരാതിയില്‍ കുട്ടിയുടെ അയല്‍വാസികള്‍ ഉള്‍പ്പെടെയുള്ളവര്‍ കസ്റ്റഡിയിലുണ്ടെന്നാണ് വിവരം.
സ്‌കൂള്‍ വിട്ടുവരുമ്പോള്‍ കടത്തികൊണ്ടുപോയി പ്രതികളുടെ വീട്ടില്‍ വച്ച് പീഡിപ്പിച്ചെന്നാണ് പൊലീസ് അന്വേഷണത്തില്‍ കണ്ടെത്തിയിട്ടുള്ളത്. അന്വേഷണത്തിനിടെ തമിഴ്‌നാട്ടിലേക്കു കടന്ന പ്രതികളെ കസബ സിഐ ആര്‍.ഹരിപ്രസാദിന്റെ നേതൃത്വത്തിലുള്ള അന്വേഷണ സംഘം പിടികൂടുകയായിരുന്നു. രാത്രി വൈകിയും പ്രതികളെ ചോദ്യം ചെയ്തുവരുകയാണ്.
പ്രതികരിക്കാൻ ഇവിടെ എഴുതുക: