കൊച്ചി: നടിയെ തട്ടിക്കൊണ്ടുപോയി അപകീര്ത്തികരമായ ദൃശ്യങ്ങള് പകര്ത്തിയെന്ന കേസില് നിര്ണായക തെളിവായ മെമ്മറി കാര്ഡ് പോലീസ് കണ്ടെടുത്തു. ഒളിവിലായ അഭിഭാഷകന് പ്രതീഷ് ചാക്കോയുടെ ജൂനിയര് അഡ്വ. രാജു ജോസഫില് നിന്ന് മെമ്മറി കാര്ഡ് പിടിച്ചെടുത്തതായാണ് വിവരം.
രാജു ജോസഫിനെ ചോദ്യം ചെയ്യാനായി വിളിച്ചുവരുത്തിയപ്പോഴാണ് മെമ്മറി കാര്ഡ് പിടിച്ചെടുത്തത്. ഫോണും മെമ്മറി കാര്ഡും പ്രതീഷ് ചാക്കോയെ ഏല്പ്പിച്ചെന്നായിരുന്നു പള്സര് സുനിയുടെ മൊഴി.
