ചങ്ങനാശേരി: മനയ്ക്കച്ചിറ പുത്തനാറ്റില് കാലങ്ങളായി നടന്നുവന്നിരുന്ന അവിട്ടം വള്ളംകളി പുനരാരംഭിക്കണമെന്ന ആവശ്യം ശക്തമാകുന്നു. 2013-വരെ മികവോടെ നടന്നുവന്ന വള്ളംകളി കഴിഞ്ഞ മൂന്നുവര്ഷമായി നടക്കുന്നില്ല. ആറ്റില് നിറയുന്ന പോള കളിവള്ളങ്ങള്ക്ക് തടസ്സമാകുന്നതാണ് മത്സരം മുടങ്ങാന് ഇടയാക്കിയത്.
പോളതിങ്ങി ചെറുവള്ളങ്ങള്ക്കു പോലും യാത്ര പ്രയാസമായ ഇവിടെ എല്ലാ വര്ഷവും പോളവാരി നീക്കിയശേഷമാണ് മത്സരങ്ങള് നടത്തിയിരുന്നത്. പോള വാരുന്നതിന് പ്രതിവര്ഷം ലക്ഷങ്ങള് ചെലവഴിക്കേണ്ടതായി വരാറുണ്ട്. ഇത് സംഘാടകര്ക്ക് ഏറെ സാമ്പത്തിക ബുദ്ധിമുട്ടുണ്ടാക്കിയിരുന്നു.
ടൂറിസത്തിന്റെ സാധ്യത മുന്നില് കണ്ടാണ് എസി കനാല് തുടങ്ങുന്ന മനയ്ക്കച്ചിറയില് ടൂറിസംജെട്ടി സ്ഥാപിച്ചിട്ടുള്ളത്. എന്നാല് ടൂറിസത്തിന് ഏറെ പ്രയോജനകരമാകാവുന്ന വള്ളംകളി പുനരാരംഭിക്കാന് സര്ക്കാര് ലകുപ്പുകള് ശ്രമിക്കാറില്ല.
വള്ളംകളി മുടങ്ങിയെങ്കിലും ഈ വര്ഷം ടൂറിസം വകുപ്പ്എസി കനാലിലെയും ബോട്ടുജെട്ടിയിലെയും പോളനീക്കം ചെയ്തിട്ടുണ്ട്. ഇത് മുന്കാലങ്ങളില് നടത്തിയിരുന്നെങ്കിലും ചങ്ങനാശ്ശേരിക്ക് ഉണര്വ്വേകിയിരുന്ന വള്ളംകളി നിന്നുപോകില്ലായിരുന്നു എന്നാണ് ജനങ്ങളുടെ അഭിപ്രായം.
നഗരസഭയും വിവിധ സംഘടനകളുടെയും നേതൃത്വത്തില് കഴിഞ്ഞ കാലങ്ങളില് നടത്തിവന്ന വള്ളംകളി ഈ വര്ഷം തുടരുന്നതിനു വേണ്ടിയുള്ള ശ്രമങ്ങള് നാട്ടുകാര് തുടങ്ങിയിട്ടുണ്ട്.
കുട്ടനാടിനോട് ചേര്ന്നു കിടക്കുന്ന ചങ്ങനാശേരിയില് വള്ളംകളി മത്സരം നടത്തുന്നതിന് കുട്ടനാട്ടുകാരായ ചങ്ങനാശേരിക്കാര് ആവേശത്തോടെയാണ് പ്രവര്ത്തിക്കുന്നത്. ജല ടൂറിസം രംഗത്ത് വള്ളംകളിയും വിനോദോപാധികളും ഇവിടെ ഏര്പ്പെടുത്താന് കഴിയും.
കുട്ടനാടിന്റെ കവാടമായചങ്ങനാശേരിയില് നഗരസഭാ ഭരണസമിതിയും എംഎല്എ അടക്കമുള്ള ജനപ്രതിനി#െദികളും മനസ്സുവച്ചാല് നിരവധി ജലടൂറിസം പദ്ധതികള് ഇവിടെ കൊണ്ടുവരാന് കഴിയും. ടൂറിസം പദ്ധതികളുടെ തുടക്കമായി വള്ളംകളി പുനരാരംഭിക്കണം എന്നാണ് പൊതുജനങ്ങളുടെ ആവശ്യം.
ടൂറിസം രംഗത്തെ സാധ്യതകള് പ്രയോജനപ്പെടുത്താന് അധികാരികള് തയ്യാറായാല് മനയ്ക്കച്ചിറ പുത്തനാറ്റില് ഈ വര്ഷത്തെ വള്ളംകളി അരങ്ങേറുമ്പോല് ചങ്ങനാശേരിയുടെ വിനോദസഞ്ചാര രൂപരേഖയില് പ്രഥമസ്ഥനമാവും ഉണ്ടാവുക.
24 വര്ഷത്തിലധികമായി മുടങ്ങിക്കിടന്ന വള്ളംകളി 2007ല് പുനരാരംഭിച്ചപ്പോള് ചങ്ങനാശേരിയുടെ ഓണാഘോഷത്തിനും സാംസ്കാരിക കൂട്ടായ്മക്കും പുതിയ ചുവടുവയ്പായി മാറിയിരുന്നു.
