കോഴിക്കോട്: സംവിധായകന് മധുര് ഭണ്ഡാര്ക്കര്ക്കെതിരെ നടക്കുന്ന അസഹിഷ്ണുതക്കെതിരെ സംവിധായകന് കമലും എംടിയും നിലപാട് വ്യക്തമാക്കണമെന്ന് ബിജെപി സംസ്ഥാന സെക്രട്ടറി അഡ്വ. ബി. ഗോപാലകൃഷ്ണന് ആവശ്യപ്പെട്ടു.
മധുര്ഭണ്ഡാര്ക്കര് അടിയന്തരാവസ്ഥയെക്കുറിച്ച് എടുത്ത ചിത്രം കോണ്ഗ്രസ് വര്ക്കിംഗ് കമ്മറ്റിയില് കാണിക്കണമെന്നും മധുര് ഭണ്ഡാര്ക്കറുടെ മുഖത്ത് കരി പൂശുന്നയാള്ക്ക് ഒരു ലക്ഷം രൂപ നല്കുമെന്നുമാണ് പറഞ്ഞിരിക്കുന്നത്. ഈ വിഷയത്തില് നിലപാട് വ്യക്തമാക്കാന് സംവിധായകന് കമല് എന്ന കമാലുദ്ദീന് തയ്യാറാവണം. നടി ആക്രമിക്കപ്പെട്ട വിഷയത്തിലും കമല് മൗനം പാലിക്കുകയാണ്.
സംസ്ഥാന സര്ക്കാര് കേരളത്തില് വര്ണ്ണവെറി കൊണ്ടുവരികയാണ്. ബിജെപി സംസ്ഥാന പ്രസിഡന്റ് കുമ്മനം രാജശേഖരനെ അപമാനിച്ചു. ഇപ്പോള് മന്ത്രി സുധാകരന്റെ പ്രസ്താവനകൊണ്ട് ലോകബാങ്ക് സഹായം നല്കില്ലെന്ന് അറിയിച്ചിരിക്കുകയാണ്. വര്ണവെറി പ്രസ്താവന നടത്തിയ മന്ത്രി സുധാകരന് മാപ്പുപറയണമെന്നും അദ്ദേഹം കൂട്ടിച്ചേര്ത്തു.
