ഭുവനേശ്വര്: ഇവിടെ ആരംഭിച്ച ഏഷ്യന് അത്ലറ്റിക്സ് ചാമ്പ്യന്ഷിപ്പ് രാഷ്ട്രീയ പരിപാടിയാക്കി ബിജെഡി സര്ക്കാര്. നഗരത്തിലാകെ ഒഡീഷ മുഖ്യമന്ത്രി നവീന് പട്നായിക്കിന്റെ ചിത്രങ്ങളുള്ള ഫ്ളക്സുകളാണ് സ്ഥാനം പിടിച്ചിരിക്കുന്നത്.
ഒഡിഷയില് നിന്നുള്ള കേന്ദ്രമന്ത്രിമാരായ പട്ടികവര്ഗ ക്ഷേമമന്ത്രി ജുവല് ഓറത്തിനെയും പെട്രോളിയം മന്ത്രി ധര്മ്മേന്ദ്ര പ്രധാനെയും സംസ്ഥാന സര്ക്കാര് അവഗണിച്ചു. ഇവരടക്കം ഒരൊറ്റ ബിജെപി നേതാക്കളും ഇന്നലത്തെ ഉദ്ഘാടന ചടങ്ങിനെത്തിയില്ല. കേന്ദ്രമന്ത്രിമാരെ സമാപന ചടങ്ങിലേക്കാണ് ക്ഷണിച്ചതെന്നാണ് സംസ്ഥാന സര്ക്കാരിന്റെ വാദം. എന്നാല് സമാപന ചടങ്ങിലും കേന്ദ്രമന്ത്രിമാര് എത്തില്ല.
കേന്ദ്ര കായിക മന്ത്രി വിജയ് ഗോയലും ഉദ്ഘാടനത്തിനത്തെിയില്ല. ആരോഗ്യപരമായ കാരണങ്ങളാല് വന്നില്ലെന്നാണ് ഔദ്യോഗിക വിശദീകരണമെങ്കിലും രാഷ്ട്രീയ പോരാണ് കാരണമെന്ന് വ്യക്തം. ഏഷ്യന് തലത്തില് നടക്കുന്ന കായികമേളയില് കേന്ദ്ര സര്ക്കാര് പ്രതിനിധികളാരും എതതുന്നില്ല.
കഴിഞ്ഞ വര്ഷം ഗുവാഹത്തിയില് നടന്ന ദക്ഷിണേഷ്യന് ഗെയിംസില് പ്രധാനമന്ത്രി നരേന്ദ്ര മോദിയായിരുന്നു ഉദ്ഘാടകന്. ഭുവനേശ്വറില് നവീന് പട്നായ്ക് തന്നെയാണ് ഉദ്ഘാടകന്.
ഇവര് സ്വര്ണ്ണം നിലനിര്ത്താന്
പുരുഷവിഭാഗം:
100, 200 മീറ്റര് ഫെമി ഒഗുനൊഡെ (ഖത്തര്)
400 മീറ്റര് ഹര്ഡില്സ് : യൂട്ട കൊനീഷി ജപ്പാന്
3000 മീറ്റര് സ്റ്റീപ്പിള്: ജോണ് കിബറ്റ് കോയെഷ് (ബഹ്റിന്)
ഡിസ്കസ് ത്രോ: വികാസ് ഗൗഡ (ഇന്ത്യ)
ഹാമര് ത്രോ: ദില്ഷോദ് നസ്റോവ് (താജിക്കിസ്ഥാന്)
ജാവലിന്: ഹുവാങ് ഷി ഫെന് (ചൈനീസ് തായ്പേയി)
വനിതകള്
200 മീറ്റര് വിക്ടോറിയ സിയാബ്കിന (കസാക്കിസ്ഥാന്)
800 മീറ്റര് (ടിന്റു ലൂക്ക)
ഷോട്ട്പുട്ട്: ഗുവോ ടിയാന് ഖിയാന് (ചൈന)
ഹാമര്: ലിയു ടിന് ടിന് (ചൈന)
