ഒറ്റപ്പാലം: മുരുക്കുംപറ്റയിലെ ബീഫ് കടയില്‍ നിന്നും അമ്പത് ഗ്രാം കഞ്ചാവ് പിടിച്ചെടുത്തു. ഒറ്റപ്പാലം എസ്‌ഐ.ആദംഖാന്റെ നേതൃത്വത്തിലുള്ള പോലീസ് സംഘമാണു പിടിചെടുത്തത്. സെപ്ഷ്യല്‍ ബ്രാഞ്ച് ഡിവൈഎസ്പി.എം.മുരളീധരനു ലഭിച്ച രഹസ്യവിവരത്തെ തുടര്‍ന്നായിരുന്നു പോലീസ് റെയ്ഡ്.സംഭവത്തില്‍ രണ്ടുപേരെ പോലീസ് അറസ്റ്റു ചെയ്തു. പാലപ്പുറം കള്ളിവളപ്പില്‍ കനി എന്ന നസീര്‍(42)ചുനങ്ങാട് മലപ്പുംറം പഴംകുളം വീട്ടില്‍ കബീര്‍ (34) എന്നിവരെയാണു അറസ്റ്റു ചെയ്തത്.
കോടതിയില്‍ ഹാജരാക്കി ഇവരെ റിമാന്റു ചെയ്തു. എന്നാല്‍ കടയില്‍ കഞ്ചാവ് സൂക്ഷിച്ചിരുന്ന വിവരം കടയുടമ അറിഞ്ഞിരുന്നില്ലെന്നു പോലീസ് പറഞ്ഞു. മേഖലയില്‍
കഞ്ചാവ് വില്പന സജീവമാണ്. പ്രദേശത്തെ ചിലരാണുകട മറയാക്കി കഞ്ചാവ് സൂക്ഷിച്ചത്. കഞ്ചാവ് മാഫിയകളുടെ പ്രവര്‍ത്തനം മേഖലയില്‍ സജീവമാണെന്നു
നാട്ടുകാര്‍ പരാതിപെടുന്നു. റെയ്ഡ് തുടരുമെന്നു എസ്‌ഐ ആദംഖാന്‍ പറഞ്ഞു.
പ്രതികരിക്കാൻ ഇവിടെ എഴുതുക: