പാലക്കാട്: ഒ.വി.വിജയന്റെ 88-ാം ജന്മദിനാഘോഷ പരിപാടികള് നാളെയും മറ്റന്നാളുമായി തസ്രാക്കിലെ ഒ.വി.വിജയന് സ്മാരക മന്ദിരത്തില് നടക്കുമെന്ന് സംഘാടകരായ ടി.ആര്.അജയന്, റഷീദ് കണിച്ചേരി പത്രസമ്മേളനത്തില് അറിയിച്ചു.
രണ്ടിന് ഉച്ചക്ക് രണ്ടരക്ക് എം.ബി.രാജേഷ് എംപി ഉദ്ഘാടനം ചെയ്യും. കെ.സി.നാരായണന് മുഖ്യപ്രഭാഷണം നടത്തും.ഒ.വി.വിജയന്റെ ലേഖനങ്ങളെക്കുറിച്ച് ശ്രീജിത്ത് പെരുന്തച്ചനും വിജയന്റെ കാര്ട്ടൂണുകളെക്കുറിച്ച് ഉണ്ണിയും സംസാരിക്കും.
അഞ്ചരക്ക് മലമ്പുഴ കനാല് റോഡിന് സമീപം നിര്മിച്ച വഴിയമ്പലത്തിന്റെ ഉദ്ഘാടനവും പ്രതിമാ അനാച്ഛാദന യോഗവും മന്ത്രി എ.കെ.ബാലന് ഉദ്ഘാടനം ചെയ്യും.തുടര്ന്ന് കടല്ത്തീരത്ത് ചിത്ര പ്രദര്ശനവും ഉണ്ടായിരിക്കും.
രണ്ടിന് രാവിലെ പത്തിന് ഒ.വി.വിജയന് കലയും കാലവും വിഷയത്തില് ഡോ.മുഞ്ഞിനാട് പത്മകുമാറും, ഒ.വി.വിജയന്റെ രാഷ്ട്രീയവും ദര്ശനവും വിഷയത്തില് രഘുനാഥന് പറളിയും പ്രഭാഷണം നടത്തും.ഉച്ചക്ക് രണ്ടരക്ക് വിജയന്റെ കലാലോകം എന്ന വിഷയത്തില് സെമിനാറും നടക്കും.
