വടക്കഞ്ചേരി: വാടകക്ക് വീടന്വേഷിച്ച് ബൈക്കിലെത്തിയയാള്‍ സ്ത്രീയെ ഭീഷണിപ്പെടുത്തി രണ്ടര പവന്റെ മാലമോഷ്ടിച്ചു. കല്ലിങ്കല്‍പ്പാടം കുളത്തിങ്കല്‍ രുഗ്മണി(67) യുടെ മാലയാണ് കവര്‍ന്നത്. ഇവര്‍ ഒറ്റക്കാണ് താമസം.
ഇന്നലെ രാവിലെ എട്ട് മണിയോടെ പ്രദേശവാസിയായ മണി എന്നയാളുമായാണ് മാല കവര്‍ന്നയാള്‍ ബൈക്കില്‍ രുഗ്മണിയുടെ വീട്ടിലെത്തിയത്. വീടുമായി ബന്ധപ്പെട്ട കാര്യങ്ങള്‍ സംസാരിച്ച ശേഷം മടങ്ങിപ്പോയ ഇയാള്‍ അല്‍പ്പസമയം കഴിഞ്ഞ് തിരിച്ചെത്തി. തുടര്‍ന്ന് രുഗ്മണിയെ ഭീഷണിപ്പെടുത്തി മാല ഊരി വാങ്ങുകയായിരുന്നെന്ന് പറയുന്നു. മഴയായതിനാല്‍ ബഹളം വെച്ചത് സമീപവാസികളും കേട്ടില്ല. പോലീസ് കേസെടുത്തു.
പ്രതികരിക്കാൻ ഇവിടെ എഴുതുക: