പത്തനംതിട്ട: ജന്മഭൂമി പ്രതിഭാസംഗമം 2017ന്റെ രജിസ്ട്രേഷന് ഇന്നവസാനിക്കും. ഈ വര്‍ഷം പത്താം ക്ലാസിലും പന്ത്രണ്ടാം ക്ലാസ്സിലും എല്ലാവിഷയത്തിനും എ പ്ലസ് നേടിയ വിദ്യാര്‍ത്ഥികളെയാണ് ‘ജന്മഭൂമി’ ആദരിക്കുന്നത്. ‘പ്രതിഭാസംഗമം 2017’ എന്ന് പേരിട്ടിരിക്കുന്ന ആദരിക്കല്‍ ചടങ്ങ് ജൂലായ് ഒന്നിന് പന്തളം ശിവരഞ്ജിനി ആഡിറ്റോറിയത്തില്‍ നടക്കും. രാവിലെ 9.30ന് പരിപാടി ആരംഭിക്കും.
പത്തനംതിട്ട ജില്ലയിലെ സ്‌കൂളുകളില്‍ നിന്നുള്ള വിദ്യാര്‍ത്ഥികളെ പങ്കെടുപ്പിച്ചു നടത്തുന്ന പ്രതിഭാ സംഗമത്തില്‍ ഉന്നതവിജയം നേടിയ വിദ്യാര്‍ത്ഥികള്‍ക്ക് സമ്മാനങ്ങള്‍ നല്‍കും.
സാമൂഹ്യ, സാംസ്‌കാരിക, വിദ്യാഭ്യാസ രംഗത്തെ പ്രമുഖര്‍ ചടങ്ങില്‍ സംബന്ധിക്കും. പങ്കെടുക്കാനാഗ്രഹിക്കുന്ന യോഗ്യരായ വിദ്യാര്‍ത്ഥികള്‍ ുൃമവേശയവമമെിഴമാമാ 2017@ഴാമശഹ.രീാ എന്ന ഇ മെയില്‍ വിലാസത്തിലേക്ക് വിദ്യാര്‍ത്ഥിയുടെ പേരും വിലാസവും എല്ലാ വിഷയത്തിനും എ പ്ലസ് ഉണ്ടെന്ന് തെളിയിക്കുന്ന രേഖയും അയയ്‌ക്കണം.
ഗോപകുമാര്‍, സംയോജകന്‍, പ്രതിഭാസംഗമം 2017, ജന്മഭൂമി ദിനപ്പത്രം, റോണ്‍ കോംപ്ലക്‌സ്, കളക്‌ട്രേറ്റ് റോഡ്, പത്തനംതിട്ട- 689645 എന്ന വിലാസത്തിലും പേരുകള്‍ രജിസ്റ്റര്‍ ചെയ്യാം. കൂടുതല്‍ വിവരങ്ങള്‍ക്ക് 9496536309 എന്ന മൊബൈല്‍ നമ്പരില്‍ ബന്ധപ്പെടണം.
പ്രതികരിക്കാൻ ഇവിടെ എഴുതുക: