പുതിയ സ്വര്ണ്ണകൊടിമര പ്രതിഷ്ഠയ്ക്ക് മുന്നോടിയായി ശബരിമല ശ്രീ അയ്യപ്പസ്വാമിക്ഷേത്രത്തില് ഇന്നലെ തന്ത്രി കണ്ഠരര് രാജീവരുടെ നേതൃത്വത്തില് നടന്ന ശുദ്ധിക്രിയകള്
പത്തനംതിട്ട: ശബരിമല ശ്രീഅയ്യപ്പ ക്ഷേത്രത്തിലെ സ്വര്ണ്ണ കൊടിമര പ്രതിഷ്ഠയ്ക്ക് മുന്നോടിയായുള്ള ചടങ്ങുകള് സന്നിധാനത്ത് ആരംഭിച്ചു.ഇന്നലെ വൈകിട്ട് നടതുറന്നശേഷം തന്ത്രി കണ്ഠരര് രാജീവരുടെ മുഖ്യകാര്മ്മികത്വത്തില് പ്രാസാദ ശുദ്ധിക്രീയകള് ആരംഭിച്ചു.വാസ്തുഹോമം,വാസ്തുബലി,രക്ഷാകലശം,മുളപൂജഎന്നീ ചടങ്ങുകളാണ് നടന്നത്.
ഇന്ന്രാവിലെ ബിംബ ശുദ്ധി ക്രീയകള് നടക്കും.ചതു:ശുദ്ധി,ധാര,പഞ്ചകം,പഞ്ചഗവ്യം,എന്നീ ചടങ്ങുകള്ക്ക് പുറമെ വൈകിട്ട് ഭഗവതി സേവയും സുദര്ശന ഹോമവും നടക്കും.
നാളെ മൃത്യുഞ്ജയഹോമം,ബിംബ പരിഗ്രഹം,ജലാധിവാസം എന്നീ ചടങ്ങുകളും 22ന് അത്ഭുതശാന്തി ഹോമം കലശ പൂജഎന്നിവയും നടക്കും. 23ന്സുകൃത ഹോമം,24ന് ജലദ്രോണിപൂജ, ശയ്യാപൂജ, ജീവകലശപൂജ,അധിവാസഹോമം,അധിവാസപൂജ എന്നിവ നടത്തും.
25ന് രാവിലെ 11.50നും 1.40നും മധ്യേ തന്ത്രി കണ്ഠര് രാജീവരുടെ മുഖ്യ കാര്മ്മീകത്വത്തില് സ്വര്ണ്ണക്കൊടിമര പ്രതിഷ്ഠ നടക്കും.
