ശൈശവവിവാഹ നിരോധനനിയമം നിലനില്ക്കുന്ന ദേശമാണ് ഇന്ത്യ. എന്നിരിക്കെ ശൈശവ വിവാഹത്തെ എതിര്ത്ത് ഐക്യരാഷ്ട്രസഭയുടെ പൊതുസഭയില് അവതരിപ്പിച്ച പ്രമേയത്തെ അനുകൂലിച്ച് ഒപ്പുവയ്ക്കാന് 2013ല് കോണ്ഗ്രസ് മന്ത്രിസഭ വിസമ്മതിച്ചത് പരിഷ്കൃത സമൂഹത്തോടുള്ള കടുത്ത വെല്ലുവിളിയായിരുന്നു.
കേരളത്തില് ഒരുവിഭാഗം ജനങ്ങള് ശൈശവ വിവാഹം ശണ്ഠകൂടി പ്രോത്സാഹിപ്പിക്കാന് ശ്രമിക്കുന്നതായി കാണുന്നു. ഇതിന്റെ പേരില് ക്രൂശിക്കപ്പെടുന്നത് ദരിദ്ര കുടുംബങ്ങളും. ഇത്തിരിനേര കല്യാണവും മൂന്നുമാസ കല്യാണവും ഇതിന്റെ പേരില് നിര്ബാധം അരങ്ങേറും. ദരിദ്രവീടുകളില് കഴിയുന്ന എട്ടുംപൊട്ടും തിരിയാത്ത പെണ്കുട്ടികള് ചുരുങ്ങിയ കാലംകൊണ്ട് രണ്ടും മൂന്നും കുഞ്ഞുങ്ങളുടെ അമ്മയായി വഴിയാധാരമാകുന്നു.
എല്ലാവര്ക്കും കുഞ്ഞുമകള് ഉണ്ടെന്ന് ശൈശവ വിവാഹത്തോട് കൂറുപുലര്ത്തുന്നവര് മനസ്സിലാക്കണം. ശൈശവവിവാഹം എന്ന ആശയംതന്നെ നാണക്കേടാണ്. യുഎന് പ്രമേയത്തെ ഇന്ത്യ അന്ന് തിരസ്കരിച്ചത് വലിയ തെറ്റായിപ്പോയി.
മതത്തിന്റെയും ആചാരത്തിന്റെയും പേരും പറഞ്ഞ് മുസ്ലിം സമുദായത്തില് നടക്കുന്ന ദുരാചാരമാണ് ശൈശവവിവാഹവും മുത്തലാഖും. അതിന്റെ നൂലാമാലയില് നിന്നും അവരെ രക്ഷിക്കാന് ശക്തനായ മോദിക്കേ കഴിയൂ. ബഹുഭാര്യാത്വത്തിന് തിക്കും തിരക്കും കൂട്ടുന്ന മാന്യന്മാര് അവരുടെ സ്വന്തം കുടുംബത്തില് ബഹുഭര്തൃത്വത്തെ അനുകൂലിക്കുമോയെന്നാണറിയേണ്ടത്.
കാവല്ലൂര് ഗംഗാധരന്,
ഇരിങ്ങാലക്കുട
