തിരുവില്വാമല: പാമ്പാടി നെഹ്റുകോളേജില് ജിഷ്ണു പ്രണോയുടെ മരണം മര്ദ്ദനമേറ്റെന്നതിന് കൂടുതല് വ്യക്തമായ തെളിവുകള്. പ്രിന്സിപ്പാളിന്റെ റൂമില് നിന്നും ജിഷ്ണുവിന്റെ മൃതദേഹം കാണപ്പെട്ട ടോയ്ലറ്റില് നിന്നും ശേഖരിച്ച രക്തസാമ്പിളുകള് ജിഷ്ണുവിന്റെ ഗ്രൂപ്പില്പെട്ടതുതന്നെയെന്ന് വ്യക്തമായി. ഫോറന്സിക് വിഭാഗം നടത്തിയ പരിശോധനയിലാണ് കണ്ടെത്തല്.
ഇത് കേസന്വേഷണത്തില് വഴിത്തിരിവാകും. ജിഷ്ണുവിന് കടുത്ത മര്ദ്ദനമേറ്റിരുന്നതായാണ്് ഇപ്പോള് പോലീസിന്റെ നിഗമനം. നെഹ്റു കോളേജില് നിന്നും കണ്ടെത്തിയ രക്തക്കറ ജിഷ്ണുവിന്റെ അതേ രക്തഗ്രൂപ്പിലുള്ളതാണെന്ന് കണ്ടെത്തിയതിനെത്തുടര്ന്ന് കൂടുതല് വ്യക്തതക്കായി ഡിഎന്എ പരിശോധനക്ക് നിര്ദ്ദേശിച്ചിരിക്കുകയാണ് പോലീസ്.
ഇതനുസരിച്ച് ജിഷ്ണുവിന്റെ മാതാപിതാക്കളുടെ രക്തസാമ്പിളുകള് ശേഖരിച്ച് ഡിഎന്എ പരിശോധന നടത്തും. ജിഷ്ണുവിന്റെ മാതാപിതാക്കള് ഇന്നലെ നാദാപുരം താലൂക്ക് ആശുപത്രിയിലെത്തി രക്തസാമ്പിളുകള് നല്കി.
