ചെന്നൈ:അനധികൃത സ്വത്ത് സമ്പാദന കേസില് ശിക്ഷിക്കപ്പെട്ട് ജയില്കഴിയുന്ന എഐഎഡിഎംകെ ഇടക്കാല ജനറല് സെക്രട്ടറി വി.കെ. ശശികലയുടെ മരുമകന് ടി.ടി.വി ദിനകരന് ആര്.കെ.നഗര് ഉപതെരഞ്ഞെടുപ്പില് മത്സരിക്കും.
മുന് മുഖ്യമന്ത്രി ജയലളിതയുടെ മരണത്തെ തുടര്ന്നാണ് ആര്.കെ.നഗറില് ഉപതെരഞ്ഞെടുപ്പ് വേണ്ടിവന്നത്. ഏപ്രില് 19 നാണ് ഉപതെരഞ്ഞടുപ്പ്. ഡിഎംകെയും സ്ഥാനാര്ഥിയെ പ്രഖ്യാപിച്ചു.
മരുധു ഗണേഷാണ് അവരുടെ സ്ഥാനാര്ഥി. ദിനകരന് ഇപ്പോള് ശശികല വിഭാഗം എഐഡിഎംകെയുടെ ഡെപ്യൂട്ടി ജനറല് സെക്രട്ടറിയാണ്. സാമ്പത്തിക കുറ്റത്തിന് ശിക്ഷിക്കപ്പെട്ട ദിനകരനോട് മദ്രാസ് ഹൈക്കോടതി ജനുവരിയില് 25 കോടി പിഴയടക്കാന് ആവശ്യപ്പെട്ടിരുന്നു. മറ്റൊരു സാമ്പത്തിക ക്രമക്കേടുകേസില് ദിനകരന് ശശികലയ്ക്കൊപ്പം പ്രതിയാണ്.ഇൗ കേസിന്റെ വിചാണ ഉടനെ തുടങ്ങിയേക്കും.
ശശികലയുടെ സഹോദരി വനിതാമണിയുടെ മകനാണ് ദിനകരന്. താന് അമ്പതിനായിരത്തിലേറെ വോട്ടുകള്ക്ക് വിജയിക്കുമെന്ന് ദിനകരന് ആത്മവിശ്വാസം പ്രകടിപ്പിച്ചു. ജയിച്ചാല് മുഖ്യമന്ത്രിയാവുമെന്ന വാര്ത്തകള് ദിനകരന് നിഷേധിച്ചു. പളനിസ്വാമിയാണ് തമിഴ്നാട് മുഖ്യമന്ത്രി. അതില് മാറ്റമുണ്ടാവില്ലെന്ന് ഉറപ്പിച്ചു പറയുന്നു, ദിനകരന് പറഞ്ഞു.
