കണ്ണൂര്: വിദ്യാര്ത്ഥികള്ക്കിടയില് വര്ദ്ധിച്ചു വരുന്ന ലഹരി ഉപയോഗവുമായി ബന്ധപ്പെട്ട് കൂടുതല് രക്ഷിതാക്കള് ജാഗരൂകരാകണമെന്ന് ഡിവിഷണല് ഡെപ്യൂട്ടി എക്സൈസ് കമ്മീഷണര് വി.വി.സുരേന്ദ്രന് ജന്മഭൂമിയോട് പറഞ്ഞു. സര്ക്കാര് തലത്തില് ലഹരിക്കും മയക്കുമരുന്നുപയോഗത്തിനുമെതിരെ നടത്തുന്ന ബോധവല്ക്കരണങ്ങള് കൊണ്ടു മാത്രം വിദ്യാര്ത്ഥികള്ക്കിടയിലെ ലഹരി ഉപയോഗം കുറയ്ക്കാന് സാധിക്കില്ല. രക്ഷിതാക്കള്ത്തന്നെ കുട്ടികളെ ബോധവല്ക്കരിക്കുകയും മോശം കൂട്ടുകെട്ടുകളും മറ്റും നിയന്ത്രിക്കുകയും വേണം.ലഹരി ഉപയോഗവും വില്പ്പനയും സംബന്ധിച്ച് പൊതുജനങ്ങളും വിദ്യാര്ത്ഥികളും വിവരങ്ങള് എക്സൈസിന് കൈമാറാന് തയ്യാറാവണം. വിവരങ്ങള് സംബന്ധിച്ച് എക്സൈസ് വളരെ രഹസ്യമായി കൈകാര്യം ചെയ്യും. സ്ക്കൂളുകളില് സ്ഥാപിച്ച പരാതിപ്പെട്ടികളില് ലഹരി-മയക്കു മരുന്ന് സംബന്ധിച്ച് പരാതികകള് നിക്ഷേപിക്കണം. പുതിയ അധ്യയന വര്ഷം ആരംഭിച്ചതോടെ സ്ക്കൂള് പരിസരങ്ങളില് പരിശോധനയും നിരീക്ഷണവും കര്ശനമാക്കിയിട്ടുണ്ടെന്നും അദ്ദേഹം പറഞ്ഞു.
വിദ്യാര്ത്ഥികളിലെ ലഹരി ഉപയോഗം : രക്ഷിതാക്കള് ജാഗരൂകരാകണം: ഡിവിഷണല് ഡെപ്യൂട്ടി എക്സൈസ് കമ്മീഷണര്
ബന്ധപ്പെട്ട വാര്ത്തകള്
പുതിയ വാര്ത്തകള്
ജന്മഭൂമി ഓണ്ലൈന്© Mathruka Pracharanalayam Limited.
Tech-enabled by Ananthapuri Technologies.