പാനൂര്: ഓരോ നിമിഷവും മരണത്തെ പ്രതീക്ഷിച്ച് സംഘപ്രവര്ത്തനം നടത്തുന്നവരാണ് കേരളത്തിലും ബംഗാളിലെ മിഡ്നാപൂര് ജില്ലയിലും ഉളളതെന്ന് എന്ടിയു സംസ്ഥാന വൈസ്പ്രസിഡണ്ട് സി.സദാനന്ദന് മാസ്റ്റര് പറഞ്ഞു. മാക്കൂല്പീടികയില് നിര്മ്മിച്ച സ്വര്ഗീയ കെടി.ജയകൃഷ്ണന് മാസ്റ്റര് സ്മൃതി മന്ദിരം ഉദ്ഘാടനത്തോടനുബന്ധിച്ച് നടന്ന സ്മൃതിസദസില് മുഖ്യപ്രഭാഷണം നടത്തുകയായിരുന്നു അദ്ദേഹം. 30 വര്ഷം കൊണ്ട് ബംഗാളില് സിപിഎം 29,000 പേരെ കൊലപ്പെടുത്തിയിട്ടുണ്ട്. ഒരു കേസില്പ്പോലും ശിക്ഷ ഉണ്ടായില്ല. ബംഗാളിലെ കൊലപാതകം തെളിവുകള് അവശേഷിപ്പിക്കാതെയാണ് സിപിഎം നടത്തുന്നത്. ഇതു സാധൂകരിച്ച് മുന് സിപിഎം നേതാവ് എപി.അബ്ദുളളക്കുട്ടി പുസ്തകം ഇറക്കിയിട്ടുണ്ട്. കേരളവും,ബംഗാളും മഹാന്മാര് പിറവികൊണ്ട സംസ്ഥാനങ്ങളാണ്. ഇവിടൂത്തെ പാരമ്പര്യവും,പൈതൃകവും തകര്ത്ത് ചെങ്കോടി നല്കി സിപിഎം നടത്തിയ ഇടപ്പെടലുകള് ഇന്നും ദുരന്തമായി നാം അനുഭവിക്കുകയാണ്. ഹിന്ദുത്വത്തെ തകര്ത്ത് സിപിഎം മനുഷ്യ മനസുകളില് പകയും വിദ്വേഷവും നിറച്ചു. പുരാണങ്ങളും,ഇതിഹാസങ്ങളും സ്നേഹവും ശ്രേയസും പ്രദാനം ചെയ്യുമെന്നതിനാല് അതിനെ പിന്തിരിപ്പന് എന്നു വിളിച്ച് തട്ടിതെറിപ്പിച്ചു. ഹിന്ദുത്വത്തിനു വേണ്ടി പോരാടി പൊരുതി വീണ അഭിമന്യൂവായിരുന്നു കെടി.ജയകൃഷ്ണന് മാസ്റ്റര് അദ്ദേഹത്തിന്റെ ജ്വലിക്കുന്ന ഓര്മ്മകള് ഇന്നും ഒരു വികാരമായി ഓരോ പ്രവര്ത്തകനിലും നിറഞ്ഞു നില്ക്കുകയാണ്. അദ്ദേഹം കാണിച്ച ആദര്ശപരമായ ജനസേവനമാണ് സ്മൃതി മന്ദിരത്തിലൂടെ നടപ്പാക്കേണ്ടതെന്നും അദ്ദേഹം പറഞ്ഞു. നിര്മ്മാണ കമ്മറ്റി പ്രസിഡണ്ട് കെ.ബാലന് അദ്ധ്യക്ഷത വഹിച്ചു. സ്മൃതി മന്ദിരത്തില് കെടി.ജയകൃഷ്ണന് മാസ്റ്ററുടെ ഛായചിത്രം വരച്ച ആര്ട്ടിസ്റ്റ് സുധേഷ് ചെമ്പ്രയെ സി.സദാനന്ദന് മാസ്റ്റര് ആദരിച്ചു. കെ.പി.ശ്രീജിത്ത് സ്വാഗതവും കെ.ടി.രവീന്ദ്രന് നന്ദിയും പറഞ്ഞു.
ഓരോ നിമിഷവും മരണത്തെ പ്രതീക്ഷിച്ച് സംഘപ്രവര്ത്തനം നടത്തുന്നവരാണ് കേരളത്തിലും ബംഗാളിലും: സി.സദാനന്ദന് മാസ്റ്റര്
ബന്ധപ്പെട്ട വാര്ത്തകള്
പുതിയ വാര്ത്തകള്
ജന്മഭൂമി ഓണ്ലൈന്© Mathruka Pracharanalayam Limited.
Tech-enabled by Ananthapuri Technologies.