ചെറുതുരുത്തി: കുപ്പിവെള്ളം വാങ്ങി കുടിയ്ക്കുന്നത് ഫാഷനായി കാണുന്ന പുതിയ തലമുറ വറ്റിവരണ്ട് കിടക്കുന്ന നിളയെയും കാണണമെന്ന് ശ്വേത മേനോൻ വളരെ വികാരധീനയായി പറഞ്ഞു.
ദേശീയ നദീ മഹോത്സവത്തിന്റെ വേദിയിൽ തൃശൂർ ഓറഞ്ച് ക്ലബ് നടത്തിയ ഷോർട്ട് ഫിലിം ഫസ്റ്റിവൽ മത്സരം ഉദ്ഘാടനം ചെയ്ത് സംസാരിയ്ക്കുക്കുകയായിരുന്നു അവർ.ഭാതപ്പുഴയെ അത്രയേറെ താൻ സ്നേഹിക്കുന്നുണ്ടെന്നും, തന്റെ മകൾക്ക് ഭാരതപ്പുഴയെ കുറിച്ച് പറഞ്ഞു കൊടുക്കാൻ പോലും പറ്റാത്ത അവസ്ഥയിലായി പോയെന്നും അവർ പറഞ്ഞു. ഭാവിയിൽ ഭാരതപ്പുഴയെ കുറിച്ചുള്ള എല്ലാ പരിപാടികൾക്കും തന്നാൽ കഴിയുന്ന സഹകരണം ഉണ്ടാവുമെന്ന് അവർ ഉറപ്പ് നൽകി.
തൃശൂർ ഓറഞ്ച് ഫിലിം ക്ലബ് പ്രസിഡണ്ട് തൃശിവപുരം മോഹനചന്ദ്രൻ അദ്ധ്യക്ഷത വഹിച്ചു. ടി.എസ്. നീലാംബരൻ സ്വാഗതവും, വിപിൻ കൂടിയേടത്ത്, വ്യാസകൃഷ്ണകുമാർ ,ഫാദർ റോയ് വടക്കൻ ,പ്രദീപ് നമ്പ്യാർ എന്നിവർ ആശംസ അർപ്പിച്ചു സംസാരിച്ചു.സി.ഹരിഹരൻ നന്ദി രേഖപ്പെടുത്തി. പത്ത് ഷോർട്ട് ഫിലിമുകളുടെ പ്രദർശനം നടന്നു. തിരഞ്ഞെടുക്കപ്പെട്ട ഷോർട്ട് ഫിലിമിനുള്ള പുരസ്കാരം ജൂൺ 5 ന് നൽകുന്നതാണെന്ന് സംഘാടക സമിതി അറിയിച്ചു.
