എടത്വ: സെന്റ് അലോഷ്യസ് കോളേജ് പ്രിന്സിപ്പളിനെ സിപിഎം-ഡിവൈഎഫ്ഐ സംഘം തടഞ്ഞുനിര്ത്തി അസഭ്യം പറയുകയും ഭീഷണിപ്പെടുത്തുകയും ചെയ്തു.
എടത്വ പോലീസെത്തിയാണ് പ്രിന്സിപ്പളിനെ രക്ഷപ്പെടുത്തിയത്. ഇന്നലെ വൈകിട്ടായിരുന്നു സംഭവം. കോളേജിന്റെ മതിലും ബസുകാത്തുനില്പു പുരയും വൃത്തിയാക്കി പെയിന്റുചെയ്തതാണ് ഇവരെ ചൊടിപ്പിച്ചത്.
വിവിധ രാഷ്ട്രീയ പാര്ട്ടികളും സംഘടനകളും മതിലിലും മറ്റും പോസ്റ്ററുകള് ഒട്ടിക്കുകയും എഴുതുകയും ചെയ്തിരുന്നു. കോളേജ് തുറക്കുന്നതിന്റെ ഭാഗമായി ഇവ നീക്കം ചെയ്ത് വൃത്തിയാക്കുകയായിരുന്നു.
എന്നാല് തങ്ങളോട് ആലോചിക്കാതെയാണ് ചുവരെഴുത്തും മറ്റും നീക്കം ചെയ്തതെന്ന് വിമര്ശിച്ചാണ് എസ്എഫ്ഐക്കാരും ഡിവൈഎഫ്ഐക്കാരും പ്രിന്സിപ്പളിനെ തടഞ്ഞത്.
ബൈക്കിലെത്തിയ സംഘം പ്രിന്സിപ്പളിനെ അസഭ്യം പറയുകയും കൈകാര്യം ചെയ്യുമെന്ന് ഭീഷണിപ്പെടുത്തുകയും ചെയ്തു. സംഭവമറിഞ്ഞ് എടത്വ പോലീസെത്തിയാണ് പ്രിന്സിപ്പളിനെ രക്ഷപ്പെടുത്തിയത്.
