ഏറ്റുമാനൂര്: ടൗണില് എല്ലാ ദിവസവും രാവിലെ മുതല് ഗതാഗതക്കുരുക്കാണ്. ടൗണ് കടന്നു കിട്ടണമെങ്കില് വളരെ ബുദ്ധിമുട്ടാണ് .രണ്ടു സ്ഥലത്താണ് പാലംപൊളിച്ചുപണിയുന്നത്.ഏറ്റുമനൂര് -വൈക്കം റോഡില് തവളക്കുഴി ക്ലാമറ്റം റോഡില് തവളക്കുഴിയില് പാലം പൊളിച്ചിട്ടിരിക്കുന്നു .ടൗണില് ഗതാഗത തടസ്സമുണ്ടാകുമ്പോള് ടൗണ് തൊടാതെ മംഗരകലുങ്ക് വഴി പാലാ ഭാഗത്തേക്കു പോകാന് ഇതുവഴി സാധിക്കുമായിരുന്നു.
ഏറ്റുമാനൂര് റെയിവേ സ്റ്റേഷന് വികസനത്തോടനുബന്ധിച്ച് നീണ്ടൂര് റോഡിലെ പാലം പൊളിച്ചു പണി നടക്കുന്നതിന്നാല് നീണ്ടുര് ,കല്ലറ, ചേര്ത്തലക്കു പോകേണ്ട വാഹനങ്ങള് ടൗണില് നിന്നും അതിരമ്പുഴ റോഡുവഴി ഗതാഗതം തിരിച്ചു വിട്ടിരിക്കുകയാണ്.കെ.കെ.റോഡില് നിന്നും മണര്ക്കാട്ടു വഴി കോട്ടയം പോകാതെ ഏറ്റുമാനൂര് വഴി വരുന്ന വാഹനങ്ങളുടെ തിരക്കുമൂലം പേരുര് ജംങ്ഷനിലും , ഏറ്റുമാനൂര് പാലാ റോഡിലും അനുഭവപ്പെടുന്ന തിരക്ക് ചില്ലറയല്ല. കാല്നടക്കാര്ക്കു പോലും കടന്നു പോകുന്നതിനു സൗകര്യമില്ല. ജംങ്ഷനാണന്ന് തിരിച്ചറിയുന്നതിനുള്ള യാതൊരു അടയാളങ്ങളും ഇവിടെയില്ല. മിക്കവാറും രാവിലെയും വൈകുന്നേരങ്ങളിലും അപകട പരമ്പരയാണ് നടക്കുന്നത്. ഈ കഴിഞ്ഞ ദിവസം രാവിലെ 3 മണിക്ക് ടാര് മിക്സിങ്ങുമായ പോയടോറസ് ക്രോസ്സ് ചെയ്തു വന്നപിക്കപ്പ് വാനിനെ ഇടിക്കാതിരിക്കാന് വെട്ടിച്ചപ്പോള് കടയിലേക്കു ഇടിച്ചു കയറിയാണ് നിന്നത്. ഭാഗ്യം കൊണ്ടാണ് തൊട്ടടുത്ത മുറിയില് കിടന്നുറങ്ങുകയായിരുന്ന കുടുബം രക്ഷപെട്ടത്.
സ്കൂള് തുറക്കുന്നതിനു ദിവസങ്ങള് ബാക്കി നില്ക്കേ എന്തു ചെയ്യണമെന്നറിയാതെ കുഴങ്ങുകയാണ് അധികൃധര്.മണര്കാട് ഏറ്റുമാനൂര്- ബൈപാസ#ിന്റെ പൂവത്തുംമൂടുവരെ പണി തീര്ന്നു.തുടന്നുള്ള നിര്മാണം എങ്ങുമെത്തിയില്ല. സ്ഥലംപുര്ണമായി ഏറ്റെടുത്തതാണ്. ഈ ബൈപാസ് റോഡു വന്നെങ്കില് മാത്രമെ ഏറ്റുമാനൂര് ടൗണിലെ ഗതാഗത കുരുക്കിനു പരിഹാരമാവുകയുള്ളു.
