തിരുവല്ല:തപസ്യ കലാസാഹിത്യവേദി ജില്ലാ കമ്മിറ്റിയുടെ ആഭിമുഖ്യത്തില്‍ വാദ്യകലാ ശില്പശാല ഡമരു 2017 തിരുവല്ല ഡിറ്റിപിസി സത്രംഹാളില്‍ തുടങ്ങി. കഥകളി ചെണ്ടയിലെ ആചാര്യന്‍ ആയാംകുടി കുട്ടപ്പ മാരാര്‍ ശിലപ്ശാല ഉദ്ഘാടന കര്‍മ്മം നിര്‍വ്വഹിച്ചു
സംസ്ഥാനത്തിന്റെ വിവിധ ഭാഗങ്ങളില്‍ നിന്ന് നിരവധിയാളുകള്‍ ശില്പശാലയില്‍ എത്തിയിട്ടുണ്ട്. തിരുവല്ല രാജീവ് കൃഷ്ണയുടെ ഇടയ്‌ക്ക ധ്വനിയോടെ വാദ്യകലാ ശില്പശാലയ്‌ക്ക് തുടക്കമായത്.തപസ്യ സംസ്ഥാന സഹ സംഘടനാ സെക്രട്ടറി സി. സി സുരേഷ് മുഖ്യപ്രഭാഷണം നടത്തി.
ജില്ലാ പ്രസിഡന്റ് ഡോ. ബി. ജി ഗോകുലന്‍ അദ്ധ്യക്ഷത വഹിച്ചു.ആദ്യ ദിനം കേരളീയ വാദ്യ കലകളുടെ ഉത്ഭവവും വളര്‍ച്ചയും സംസ്‌ക്കാരവും എന്ന വിഷയത്തെ ആസ്പദമാക്കി കലാമണ്ഡലം ശിവദാസ് ക്ലാസെടുത്തു.28ന് രാവിലെ 8.30ന് ക്ഷേത്ര വാദ്യകല ഇന്നലെ, ഇന്ന്, നാളെ എന്ന വിഷയത്തെ ആസ്പദമാക്കി ശില്പശാല ഡയറക്ടര്‍ തിച്ചൂര്‍ മോഹനന്‍ ക്ലാസെടുക്കും, രാവിലെ 9.30ന് മേള തത്വം എന്നവിഷയത്തെ ആസ്പദമാക്കി തിരുവല്ല രാധാകൃഷ്ണന്‍ ക്ലാസെടുക്കും. രാവിലെ 10.30ന് ക്ഷേത്ര വാദ്യവും അനുഷ്ഠാനവും എന്ന വിഷയത്തെ ആസ്പദമാക്കി അമ്പലപ്പുഴ വിജയകുമാര്‍ ക്ലാസെടുക്കും.
11.45 ന് ഗീതാ ഗോവിന്ദം നൃത്താവിഷ്‌ക്കാരം. ഉച്ചയ്‌ക്ക് 2 ന് ജീവതാളം എന്ന വിഷയത്തെ ആസ്പദമാക്കി ആലപ്പി രംഗനാഥ് ക്ലാസെടുക്കും. ഉച്ചയ്‌ക്ക് 3 ന് നടക്കുന്ന സമാപന സഭയില്‍ തപസ്യ സംസ്ഥാന സംഘടനാ സെക്രട്ടറി പി. ഉണ്ണികൃഷ്ണന്‍ മുഖ്യപ്രഭാഷണം നടത്തും.
ആലപ്പിരംഗനാഥ് ഉദ്ഘാടനം ചെയ്യും. ജില്ലാ വര്‍ക്കിംഗ് പ്രസിഡന്റ് ആറന്‍മുള വിജയകുമാര്‍ അദ്ധ്യക്ഷത വഹിക്കും. കേരളാ സംഗീത നാടക അക്കാദമി അവാര്‍ഡ് ജേതാവ് കുറ്റൂര്‍ പ്രസന്നകുമാറിനെ ആദരിക്കും. 28 ന് പരിപാടി സമാപിക്കും.സ്വാഗത സംഘം ഭാരവാഹികളായ ശിവകുമാര്‍ അമൃതകല, ഉണ്ണികൃഷ്ണന്‍ വസുദേവ്, എം. എ കബീര്‍, അഭിജിത്ത് സദാശിവന്‍ എന്നിവര്‍ പരിപാടികള്‍ക്ക് നേതൃത്വം വഹിക്കും.
പ്രതികരിക്കാൻ ഇവിടെ എഴുതുക: