കൊച്ചി: പ്രൊവിഡന്റ് ഫണ്ട്, ഇഎസ്ഐ, ഗ്രാറ്റുവിറ്റി, വര്ക്ക്മെന് കോമ്പന്സേഷന്, പ്രസവാനുകൂല്യം തുടങ്ങിയവയെല്ലാം സംയോജിപ്പിച്ച് സാമൂഹ്യ ക്ഷേമ കോഡ് കൊണ്ടുവരും. കേന്ദ്ര സര്ക്കാരിന്റെ പെന്ഷന് യോജന, പ്രധാനമന്ത്രി സുരക്ഷാ ബീമാ യോജന, പ്രധാനമന്ത്രി ജീവന്ജ്യോതി, ജന്ധന് യോജന എന്നിവ ക്ഷേമകോഡിന്റെ പരിധിയിലാക്കും. തൊഴിലാളികള് ആനുകൂല്യങ്ങള്ക്കായി പലവാതിലുകള് മുട്ടേണ്ടിവരുന്ന നിലവിലെ സ്ഥിതിക്ക് ഇതിലൂടെ ശാശ്വത പരിഹാരമുണ്ടാകുമെന്നാണ് പ്രതീക്ഷ. ആനുകൂല്യങ്ങള് കാലാനുസരണം പരിഷ്ക്കരിക്കാനും സാമൂഹ്യ സുരക്ഷാ നിയമങ്ങള് ഒരുകുടക്കീഴിലാക്കാനം ലക്ഷ്യമിട്ടാണ് പരിഷ്ക്കാരം.
മാര്ച്ച് 17 ന് സാമൂഹ്യക്ഷേമ കോഡിന്റെ കരട് കേന്ദ്ര തൊഴില് മന്ത്രാലയത്തിന്െ വെബ് സൈറ്റില് പ്രസിദ്ധീകരിച്ചു. പൊതുജനങ്ങള്ക്ക് നിര്ദ്ദേശങ്ങളും അഭിപ്രായങ്ങളും സമര്പ്പിക്കാം. ഒരു മാസത്തിനകം തൊഴില് മന്ത്രാലയത്തില് ലഭിക്കണം. കോഡിന്റെ മേല്നോട്ടത്തിനും നടത്തിപ്പിനുമായി നാഷണല് സോഷ്യല് സെക്യൂരിറ്റി കൗണ്സില് രൂപവത്ക്കരിക്കും. പ്രധാനമന്ത്രിയാണ് ചെയര്മാന്. കേന്ദ്ര തൊഴില് മന്ത്രി വൈസ് ചെയര്മാനും. കേന്ദ്ര ആരോഗ്യ മന്ത്രി, അഞ്ച് സംസ്ഥാനങ്ങളിലെ തൊഴില് മന്ത്രിമാര്, തൊഴിലാളി പ്രതിനിധികളായി മൂന്ന് പേര്, മൂന്ന് എം.പി.മാര് തുടങ്ങിയവരാണ് അംഗങ്ങള്.
നാഷണല് കൗണ്സിലിന്റെ നിയന്ത്രണത്തില് കേന്ദ്രത്തിലും സംസ്ഥാനങ്ങളിലും ബോര്ഡുകള് രൂപീകരിക്കണം. സംസ്ഥാനങ്ങളിലെ ബോര്ഡിന്റെ ചെയര്മാന് മുഖ്യമന്ത്രിയായിരിക്കും. സാമൂഹ്യ സുരക്ഷയ്ക്കും ഗ്രാറ്റുവിറ്റിക്കും പ്രത്യേക ഫണ്ടുണ്ടാകും.കെട്ടിട നിര്മാണ തൊഴിലാളി ക്ഷേമനിധി, ബീഡി തൊഴിലാളി ക്ഷേമനിധി ഉള്പ്പെടെ 13 ക്ഷേമനിധികള്ക്ക് സംസ്ഥാന ബോര്ഡിന്റെ അധീനതയില് രൂപം കൊടുക്കും. രജിസ്റ്റര് ചെയ്യുന്ന തൊഴിലാളികള്ക്കെല്ലാം വികാസ് നമ്പര് നല്കും. ആധാര് അടിസ്ഥാനമാക്കിയായിരിക്കും തൊഴിലാളി രജിസ്ട്രേഷന്. ഒന്നിലധികം സ്ഥാപനങ്ങളില് ജോലിചെയ്യുന്ന പാര്ട്ട് ടൈം ജോലി ചെയ്യുന്ന തൊഴിലാളിക്ക് ഇഷ്ടമുളള തൊഴിലുടമ വഴി രജിസ്റ്റര് ചെയ്യാനുളള സ്വാതന്ത്രമുണ്ട്. തൊഴില് മാറുമ്പോള് വികാസ് നമ്പര് വഴി രേഖകള് സമര്പ്പിക്കണമെന്ന് നിര്ബന്ധമാണ്.
തദ്ദേശ സ്വയംഭരണ സ്ഥാപനങ്ങളെ കൂട്ടിയിണക്കിയാണ് സാമൂഹ്യ ക്ഷേമ കോഡ് പദ്ധതികള് നടപ്പിലാക്കുന്നത്. അന്താരാഷ്ട്ര തൊഴിലാളി പെന്ഷന്, പ്രൊവിഡന്റ് ഫണ്ട്, രോഗാനുകൂല്യം, ജോലി ചെയ്യാനാകാത്ത വിധം അംഗവൈകല്യമുണ്ടാകുന്നവര്ക്കുളള സഹായം, പ്രസവാനുകൂല്യം, ആശ്രിത ക്ഷേമം, ഗ്രൂപ്പ് ഇന്ഷുറന്സ്, തൊഴില് രഹിത വേതനം തുടങ്ങിയവ പദ്ധതികള് സാമൂഹ്യ സുരക്ഷാ കോഡിന്റെ പരിധിയില് തുടങ്ങാനും നിര്ദ്ദേശമണ്ട്. കരട് നിര്ദ്ദേശങ്ങളിന്മേല് കേന്ദ്ര തൊഴില് മന്ത്രി ബന്ദാരു ദത്താത്രേയയുടെ നേതൃത്വത്തില് വിവിധ തലങ്ങളില് ചര്ച്ച നടക്കുകയാണ്.
