ഭാരതീയ അഭിഭാഷക പരിഷത്ത് സംസ്ഥാന സമ്മേളനം കൊച്ചിയില് സുപ്രീംകോടതി ജഡ്ജി ജസ്റ്റിസ് കുര്യന് ജോസഫ് ഉദ്ഘാടനം ചെയ്യുന്നു. സി.കെ. സജി നാരായണന്, ജോയ്ദീപ് റോയി, ആര്.ഡി. ഷേണായി, എന്. നഗരേഷ്, ആര് . രാജേന്ദ്രന് സമീപം
കൊച്ചി: മാധ്യമപ്രവര്ത്തകരും അഭിഭാഷകരും എല്ലാം മറക്കാനും പൊറുക്കാനും തയ്യാറാകണമെന്ന് സുപ്രീംകോടതി ജഡ്ജി ജസ്റ്റിസ് കുര്യന് ജോസഫ്. ഭാരതീയ അഭിഭാഷക പരിഷത്ത് പത്താം സംസ്ഥാന സമ്മേളനം ഉദ്ഘാടനം ചെയ്യുകയായിരുന്നു അദ്ദേഹം.
രാഷ്ട്രനിര്മ്മാണ പ്രക്രിയയില് പങ്കാളികളാകേണ്ടവരാണ് രണ്ടു കൂട്ടരും. നിങ്ങള് അകന്ന് നില്ക്കുന്നത് ഭൂഷണമല്ല. എല്ലാം മറന്ന് ഒന്നിക്കാന് നിങ്ങള് തയ്യാറാകണം. അഭിഭാഷകരും മാധ്യമപ്രവര്ത്തകരും തമ്മിലുള്ള പ്രശ്നങ്ങള് തീര്ന്നെന്നാണ് ഞാന് കരുതിയത്. പക്ഷേ, എവിടെയോ ആരോ മാധ്യമപ്രവര്ത്തകരൈയും അഭിഭാഷകരെയും അകറ്റിനിര്ത്താന് ശ്രമിക്കുന്നുണ്ട്.
മാധ്യമപ്രവര്ത്തകരെ ആരെയും ഈ പരിപാടിക്ക് കാണാനില്ല. അതുകൊണ്ട് ഇവിടെ എന്തുപറഞ്ഞാലും ആരും അറിയാന് പോകുന്നില്ല. മാധ്യമപ്രവര്ത്തകരും അഭിഭാഷകരും തമ്മിലുള്ള പ്രശ്നങ്ങള് എത്രയും വേഗം അവസാനിപ്പിക്കണം. ഭരണഘടനയിലുള്ള സനാതന മൂല്യത്തെ കണ്ടെത്തി പ്രാവര്ത്തികമാക്കാന് എല്ലാവരും ശ്രമിക്കണമെന്നും അദ്ദേഹം പറഞ്ഞു.
സംസ്ഥാന പ്രസിഡന്റ് സി.കെ. ശ്രീനിവാസന് അധ്യക്ഷനായി.
അഖിലേന്ത്യാ ഓര്ഗനൈസിങ് സെക്രട്ടറി അഡ്വ. ജോയ്ദീപ് റോയി, അഡ്വ. ആര്.ഡി. ഷേണായി, അഡ്വ. കെ.കെ ബാലറാം, അഡ്വ. സി.കെ സജിനാരായണന്, അഡ്വ.എന്. നഗരേഷ്, അഡ്വ. ആര് രാജേന്ദ്രന് തുടങ്ങിയവര് പ്രസംഗിച്ചു. സംസ്ഥാന ജനറല് സെക്രട്ടറി അഡ്വ. ബി അശോക് സ്വാഗതവും അഡ്വ. കെ.ആര് രാജ്കുമാര് നന്ദിയും പറഞ്ഞു.
