ലാഹോര്:പാക്കിസ്ഥാന്റെ ഓപ്പണര് ബാബര് അസമിന്റെ തൊപ്പിയില് ഒരു തൂവല് കൂടി.ഏകദിന ക്രിക്കറ്റില് വേഗത്തില് അഞ്ചു സെഞ്ചുറികള് കുറിക്കുന്ന രണ്ടാമത്തെ ബാറ്റസ്മാനെന്ന നേട്ടം ബാബര്ക്ക് സ്വന്തമായി. ഇരുപത്തിയഞ്ചു ഏകദിനമത്സരങ്ങളില് നിന്നാണ് ഈ നേട്ടം കൈവരിച്ചത്.
വെസ്റ്റ് ഇന്ഡീസിനെതിരായ രണ്ടാം ഏകദിന മത്സരത്തില് ബാബര് 125 റണ്സ് നേടി. ബാബറിന്റെ ഇരുപത്തിയഞ്ചാം ഏകദിന മത്സരമാണിത്.
ഏകദിന ക്രിക്കറ്റില് വേഗത്തില് അഞ്ചു സെഞ്ചുറികള് നേടിയ ബാറ്റസ്മാന് ദക്ഷിണാഫ്രിക്കയുടെ വിക്കറ്റ് കീപ്പറായ ക്യൂന്ടണ് ഡീ കോക്കാണ്.19 മത്സരങ്ങളില് നിന്നാണ്് ഡീകോക്ക് റെക്കോര്ഡ് സ്വന്തമാക്കിയത്്.
വെസ്റ്റ് ഇന്ഡീസിനെതിരായ രണ്ടാം ഏകദിനത്തില് ബാബര് 132 പന്തില് നിന്നാണ് 125 റണ്സ് നേടിയത്.ഈ സെഞ്ചുറിയുടെ മികവില് പാക്കിസ്ഥാന് 74 റണ്സിന് വിജയിച്ചു.ബാബറിന് 25 മത്സരങ്ങളില് 1306 റണ്സായി.
ഇതോടെ ഏകദിന ക്രിക്കറ്റില് 25 ഇന്നിംഗ്സില് ഏറ്റവും കൂടുതല് റണ്സ് നേടുന്ന കളിക്കാരനെന്ന റെക്കോര്ഡും ബാബറിന് സ്വന്തമായി. ഇംഗ്ലണ്ടിന്റെ ജോനാഥന് ട്രോട്ട് 25 ഇന്നിംഗ്സില് നേടിയ 1280 റണ്സിന്റെ റെക്കോര്ഡാണ് തകര്ന്നത്. പാക്കിസ്ഥാന്- വെസ്റ്റ് ഇന്ഡീസ് നിര്ണായക ഏകദിന മത്സരം ഇന്ന് നടക്കും.
