സാങ്കേതിക പഠനത്തില് താല്പര്യമുള്ളവര്ക്ക് പോളിടെക്നിക് കോളേജുകളില് ഡിപ്ലോമ കോഴ്സില് ചേരാം. എസ്എസ്എല്സി/ടിഎച്ച്എസ്എല്സി/തുല്യ പരീക്ഷ വിജയിച്ച് ഉപരിപഠനത്തിന് യോഗ്യത നേടിയിട്ടുള്ളവരാകണം.
സംസ്ഥാന സാങ്കേതിക വിദ്യാഭ്യാസ വകുപ്പിന്റെ നിയന്ത്രണത്തിലുള്ള ഗവണ്മെന്റ്/എയ്ഡഡ്, സ്വകാര്യ സ്വാശ്രയ പോളിടെക്നിക് കോേളജുകളില് ത്രിവത്സര റഗുലര് ഡിപ്ലോമ കോഴ്സുകളില് പ്രവേശനത്തിന് ഓണ്ലൈനായി മെയ് 29 വരെ അപേക്ഷകള് സ്വീകരിക്കും.
സ്വാശ്രയ കോളേജുകളില് ഗവണ്മെന്റ് മെരിറ്റ് സീറ്റുകളിലേക്കാണ് പ്രവേശനം. മാനേജ്മെന്റ് സീറ്റുകളില് പ്രവേശനത്തിന് അതത് മാനേജ്മെന്റുകള്ക്ക് പ്രത്യേകം അപേക്ഷ നല്കണം.
എന്സിസി, സ്പോര്ട്സ് ക്വാട്ടാ സീറ്റുകളിലേക്കുള്ള പ്രവേശനത്തിനും പ്രത്യേകം അപേക്ഷിക്കണം.
എന്ജിനീയറിങ്/ടെക്നോളജി, കമേര്ഷ്യല് പ്രാക്ടീസ്/കമ്പ്യൂട്ടര് ആപ്ലിക്കേഷന് ആന്റ് ബിസിനസ് മാനേജ്മെന്റ് എന്നിങ്ങനെ രണ്ട് സ്ട്രീമുകളാണ് ഡിപ്ലോമ കോഴ്സില് പഠനാവസരമുള്ളത്. സര്ക്കാര് എയ്ഡഡ് മേഖലയില് 51 പോളിടെക്നിക് കോളേജുകളിലും സ്വകാര്യ സ്വാശ്രയമേഖലയില് 16 കോളേജുകളിലും പ്രവേശനത്തിനാണ് സാങ്കേതിക വിദ്യാഭ്യാസവകുപ്പ് ഇപ്പോള് അപേക്ഷകള് ക്ഷണിച്ചിട്ടുള്ളത്. സംസ്ഥാനാടിസ്ഥാനത്തിലാണ് പ്രവേശനം. ഒറ്റ അപേക്ഷ സമര്പ്പിച്ചാല് മതി. അപേക്ഷാ ഫീസ് 150 രൂപ. പട്ടികജാതി/വര്ഗ്ഗക്കാര്ക്ക് 75 രൂപ മതി.
www.polyadmission.org എന്ന വെബ്സൈറ്റില്നിന്നും വിശദവിവരങ്ങളടങ്ങിയ പ്രോസ്പെക്ടസ് ഡൗണ്ലോഡ് ചെയ്ത് അതിലെ നിര്ദ്ദേശങ്ങള് പാലിച്ച് വേണം ഓണ്ലൈന് അപേക്ഷാ സമര്പ്പണം നടത്തേണ്ടത്. സാങ്കേതിക വിദ്യാഭ്യാസ വകുപ്പിന്റെ നിയന്ത്രണത്തിലുള്ള പോളിടെക്നിക് കോളേജുകളും ലഭ്യമായ ബ്രാഞ്ചുകളും സീറ്റുകളും പ്രവേശന രീതിയുമൊക്കെ പ്രോസ്പെക്ടസിലുണ്ട്.
ഓണ്ലൈന് അപേക്ഷയുടെ പ്രിന്റൗട്ടില് ഒപ്പ് വച്ച് ബന്ധപ്പെട്ട സര്ട്ടിഫിക്കറ്റുകളുടെ സ്വയം സാക്ഷ്യപ്പെടുത്തിയ ശരിപ്പകര്പ്പുകള് സഹിതം സൗകര്യപ്രദമായ ഏതെങ്കിലും ഒരു പോളിടെക്നിക് കോളേജ് പ്രിന്സിപ്പലിന് മെയ് 31 നകം സമര്പ്പിക്കണം. അപേക്ഷാ ഫീസും അതോടൊപ്പം നല്കാവുന്നതാണ്. അപേക്ഷ സമര്പ്പണത്തിന് പോളിടെക്നിക് കോളേജുകളിലെ ഹെല്പ് ഡെസ്ക്കുകളുടെ സൗജന്യ സേവനം പ്രയോജനപ്പെടുത്താം.
