കൊച്ചി: പറവൂര്‍ നിയോജകമണ്ഡലത്തിലെ രണ്ട് ബൂത്തുകളില്‍ വോട്ടു രേഖപ്പെടുത്തിയവരുടെ എണ്ണത്തില്‍ കുറവ്. വോട്ടു ചെയ്തവരുടെ എണ്ണവും മെഷീനില്‍ രേഖപ്പെടുത്തിയ വോട്ടുകളുടെ എണ്ണവും തമ്മിലാണ് വ്യത്യാസം കണ്ടെത്തിയിരിക്കുന്നത്.
ഇതേത്തുടര്‍ന്ന് ഉദ്യോഗസ്ഥര്‍ തെരഞ്ഞെടുപ്പ് കമ്മീഷന് റിപ്പോര്‍ട്ട് നല്‍കി. മണ്ഡലത്തിലെ 21, 65 എന്നീ ബൂത്തുകളിലാണ് വ്യത്യാസം കണ്ടെത്തിയത്. രണ്ട് ബൂത്തുകളിലുമായി 9 വോട്ടുകള്‍ വീതം 18 വോട്ടുകളുടെ വ്യത്യാസമാണ് കണ്ടെത്തിയത്.
21-ാം നമ്പര്‍ ബൂത്തില്‍ 1295 പേരാണ് രജിസ്റ്ററില്‍ ഒപ്പിട്ടിരിക്കുന്നത്. എന്നാല്‍ മെഷീനില്‍ 1286 വോട്ടുകളെ രേഖപ്പെടുത്തിയിട്ടുള്ളൂ. 65-ാം നമ്പര്‍ ബൂത്തില്‍ 1087 പേര്‍ രജിസ്റ്ററില്‍ ഒപ്പിട്ടിരുന്നു. മെഷീനില്‍ 9 വോട്ടുകള്‍ കുറവായിരുന്നു. നിലവില്‍ മെഷീന്‍ തകരാര്‍ എന്ന രീതിയിലാണ് ഇതിനെ വിലയിരുത്തിയിരിക്കുന്നത്.
റീപോളീംഗിന് സദ്ധ്യതയില്ലെന്നും ഫലം വരുമ്പോള്‍ 18 വോട്ടില്‍ കുറവാണെങ്കില്‍ മാത്രം റീപോളീംഗ് നടത്താമെന്നുമാണ് അധികൃതര്‍ പറയുന്നത്.
എന്‍ഡിഎയിലെ ഹരിവിജയന്‍, യുഡിഎഫിലെ വി.ഡി. സതീശന്‍, എല്‍ഡിഎഫിലെ ശാരദമോഹന്‍ എന്നിവരാണ് പ്രധാനമായും മത്സര രംഗത്ത് ഉണ്ടായിരുന്നത്.
പ്രതികരിക്കാൻ ഇവിടെ എഴുതുക: