ചാലക്കുടി:വാഴച്ചാല് മേഖലയിലെ കാട്ടാനകളുടെ കണക്കെടുപ്പ് തുടരുന്നു.വാഴച്ചാല് വനമേഖലയിലെ 21 ബ്ലോക്കുകളിലായി ആറംഗ സംഘമാണ് കണക്കെടുപ്പ് നടത്തുന്നത്.ഇന്നത്തോടെ കണക്ക് പൂര്ത്തിയാക്കുമെന്ന് വനം വകുപ്പ് അധികൃതര് പറഞ്ഞു.ദക്ഷിണേന്ത്യയിലെ വന പ്രദേശങ്ങളില് നടത്തുന്ന കണക്കെടുപ്പിന്റെ ഭാഗമായാണ് കണക്കെടുപ്പ് നടക്കുന്നത്.
അഞ്ച് വര്ഷം മുന്പാണ് ഇതിന് മുന്പ് കാട്ടാനകളുടെ കണക്കെടുപ്പ് നടത്തിയിരുന്നത്.അന്ന് കേരളത്തിലെ വനമേഖലകളില് 6177 ആനകള് ഉണ്ടെന്നാണ് കണ്ടെത്തിയിരുന്നത്.പെരിയാര് ടൈഗര് കണ്സര്വേഷന് ഫൗണ്ടേഷനാണ് കണക്കിലെടുപ്പ് നടത്തുന്നത്.
നാല് ആന സംരക്ഷിത മേഖലകള് പങ്കിടുന്ന ആനമുടി റിസര്വ്വിലെ ഈ ജില്ലയില് ഉള്പ്പെടുന്നതാണ് വാഴച്ചാല് വനമേഖല.വനപാലകരും,വാച്ചര്മാരടക്കമുള്ള ആറംഗങ്ങള് വരെയുള്ള ടീമുകളായി തിരിഞ്ഞാണ് നിരീക്ഷണം നടത്തുന്നത്.അഞ്ച് കിലോമീറ്റര് ചുറ്റളവില് കാണപ്പെടുന്ന ആനകളുടെ എണ്ണമായിരുന്നു ആദ്യ ദിനത്തിലെടുത്തത്.
ഈ പ്രദേശത്തെ രണ്ട് കിലോമീറ്റര് എത്തപ്പെടുന്ന ആനകളുടെ ആനപ്പിണ്ടത്തിന്റെ എണ്ണങ്ങള് വിലയിരുത്തലാണ് രണ്ടാദിനമായ വ്യാഴാഴ്ച നടത്തിയത്. ഇന്ന് ജല സ്ത്രോസുകളുടെ സമീപത്തെത്തുന്ന ആനകളെ നീരീക്ഷിച്ച് വിവര ശേഖരണം നടത്തും.
