എരുമേലി: എരുമേലി വെച്ചൂച്ചിറ വനാതിര്ത്തി റോഡിലെ വെള്ളക്കെട്ട് കാല്നടക്കാര്ക്കും ഇരുചക്രവാഹനയാത്രക്കാര്ക്കും ദുരിതമായിരിക്കുകയാണ്.
വനത്തിനുള്ളില് നിന്നും ഒഴുകി വന്ന് റോഡിലെ കുഴിയില് കെട്ടിക്കിടക്കുന്ന വെള്ളത്തില് കൂടി വാഹനങ്ങള് കയറിയിറങ്ങുന്നതോടെ വെള്ളം മലിനമായി ദുര്ഗന്ധവും വമിക്കുകയാണ്. കെട്ടിക്കിടക്കുന്ന മലിനജലത്തില് കൊതുകുകളും പുഴുക്കളും വളരുന്നുണ്ടെന്നും നാട്ടുകാര് പറയുന്നു.
എരുമേലിയില് നിന്നും വെച്ചൂച്ചിറയിലേക്കുള്ള ഏക റോഡാണ് ഇത്തരത്തില് ജനങ്ങളുടെ ആരോഗ്യത്തിന് തന്നെ ഭീഷണിയായിത്തീര്ന്നിരിക്കുന്നത്. കോളേജ്, സ്കൂള് കുട്ടികള്, മറ്റ് ജോലിക്കാര് അടക്കം ദിനംപ്രതി നൂറുക്കണക്കിനു പേര് യാത്ര ചെയ്യുന്ന റോഡാണ് മാലിന്യത്താല് നിറഞ്ഞിരിക്കുന്നത്. എന്നാല് വനം വകുപ്പിന്റെ നിയന്ത്രണത്തിലുള്ളതിനാല് റോഡിന്റെ പണികള്ക്ക് ഇവരുടെ അനുമതി ഇല്ലാത്തതാണ് മറ്റ് പണികള്ക്ക് തടസ്സമെന്നും നാട്ടുകാര് പറയുന്നു. വെള്ളക്കെട്ട് സമീപത്തെ നെടുംങ്കാവുവയല് കോളനി പ്രദേശത്തെ ജനങ്ങളെ ആശങ്കയിലാക്കിയിരിക്കുകയാണ്. ഇവിടെ കലുങ്ക് നിര്മ്മിച്ച് പ്രശ്നത്തിന് പരിഹാരം കാണാന് അടിയന്തിര നടപടി സ്വീകരിക്കണമെന്നും നാട്ടുകാര് ആവശ്യപ്പെട്ടു.
