കേരള ഉള്ളാട മഹാസഭ സംസ്ഥാന സമ്മേളനത്തോട് അനുബന്ധിച്ച് ചേര്ത്തലയില് നടന്ന പ്രതിനിധി സമ്മേളനം പ്രസിഡന്റ് പി.ആര് റെജി ഉദ്ഘാടനം ചെയ്യുന്നു
ചേര്ത്തല: ആദിവാസികള്ക്ക് ഒരേക്കര് മുതല് അഞ്ചേക്കര് വരെ വാസ, കൃഷി യോഗ്യമായ ഭൂമി പതിച്ചു നല്കണമെന്ന് കേരള ഉള്ളാട മഹാസഭ 25-ാം സംസ്ഥാന സമ്മേളനം ആവശ്യപ്പെട്ടു. ആദിവാസി വിഭാഗങ്ങളുടെ മുഴുവന് കടബാദ്ധ്യതകളും എഴുതിത്തള്ളുക, സ്വകാര്യ മേഖലയില് സംവരണം ഏര്പ്പെടുത്തുക, ആദിവാസി നയം പ്രഖ്യാപിക്കുക, എല്ലാ ജില്ലയിലും ആദിവാസി തൊഴില് ശാലകള് സ്ഥാപിക്കുക, ടി.ആര്. സുകുമാരന് സ്മാരക മന്ദിരത്തിന് 25 ലക്ഷം രൂപ അനുവദിക്കുക, എയ്ഡഡ്, അണ് എയ്ഡഡ് വിദ്യാഭ്യാസ സ്ഥാപനങ്ങളില് പ്രാതിനിധ്യം ഉറപ്പാക്കുക, കുട്ടികളുടെ വിദ്യാഭ്യാസാനൂകൂല്യങ്ങള് വര്ധിപ്പിക്കുക തുടങ്ങിയ ആവശ്യങ്ങളും സമ്മേളനം ഉന്നയിച്ചു. പ്രതിനിധി സമ്മേളനം സംസ്ഥാന പ്രസിഡന്റ് പി.ആര്. രജി ഉദ്ഘാടനം ചെയ്തു.
ബ്രാഹ്മണ മഠം ഹാളില് ചേര്ന്ന യോഗത്തില് വൈസ് പ്രസിഡന്റ് വി.ജി. കുഞ്ഞുമോന് അദ്ധ്യക്ഷനായി. ജനറല് സെക്രട്ടറി എസ്. സുനില് കുമാര് സംഘടനാ റിപ്പോര്ട്ടും ഖജാന്ജി പി.എ. മോഹനന് കണക്കും ബജറ്റും അവതരിപ്പിച്ചു. സ്വാഗത സംഘം ചെയര്മാന് കെ.കെ. അജിത്ത് കുമാര്, സംസ്ഥാന അസിസ്റ്റന്റ് സെക്രട്ടറി ജി. സുകുമാരന് എന്നിവര് പ്രസംഗിച്ചു.
ഇന്ന് രാവിലെ ഒന്പതിന് നഗരസഭ ടൗണ്ഹാള് ഗോത്രകലാപ്രദര്ശനം. ഉച്ചയ്ക്ക് രണ്ടിന് പ്രകടനം ആരംഭിക്കും. തുടര്ന്ന് ചേരുന്ന ഗോത്രസംഗമം ധനകാര്യമന്ത്രി ഡോ. ടി.എം. തോമസ് ഐസക് ഉദ്ഘാടനം ചെയ്യും.
