ബാഴ്സലോണ: ഗ്രനേഡയെ ഏകപക്ഷീയമായ നാലു ഗോളുകള്ക്ക് തകര്ത്തെറിഞ്ഞ് റയല് മാഡ്രിഡ് ലാ ലീഗില് കിരീടത്തോടടുക്കുകയാണ്. ഈ വിജയത്തോടെ അവര് 84 പോയിന്റോടെ ബാഴ്സലോണയ്ക്ക് ഒപ്പമെത്തി. ബാഴ്സലോണ ഇന്നലെ ഒന്നിനെതിരേ നാലു ഗോളുകള്ക്ക് വിയ്യാറയലിനെ തോല്പ്പിച്ചു.
പോയിന്റു നിലയില് ഒപ്പമാണെങ്കിലും ഗോള് ശരാശരിയില് ബാഴ്സലോണയാണ് മുന്നില്. എന്നാല് റയലിന ് ബാഴ്സയേക്കാള് ഒരുമത്സരം കൂടി കൂടതലുണ്ട്. അവസാനത്തെ മൂന്ന്് മത്സരങ്ങളില് ഏഴു പോയിന്റു നേടിയാല് 2012 നു ശേഷം ഇതാദ്യമായി റയലിന് ലാ ലീഗ് കിരീടം തലയിലേറ്റാം.
ഇരട്ട ഗോളുകള് നേടി അല്വാരോ മോറോട്ടയും ജെയിംസ് റോഡ്രിഗ്സുമാണ് റയലിന് ഗ്രനേഡക്കെതിരേ വിജയമൊരുക്കിയത്്.
മൂന്നാം മിനിറ്റില് തന്നെ ജെയിംസ് റയലിനെ മുന്നിലെത്തിച്ചു. പതിനൊന്നാം മിനിറ്റില് ജെയിംസ് വീണ്ടു സ്കോര് ചെയ്തു. പിന്നീട് അല്വാരോ മോറോട്ടയുടെ ഊഴമായിരുന്നു. 30, 35 മിനിറ്റുകളില് ലക്ഷ്യം കണ്ട് ടീമിന്റെ ലീഡ് 4-0 ആയി ഉയര്ത്തി.
ആദ്യപകുതിയിലാണ് നാലു ഗോളുകളും വീണത്. രണ്ടാംപകുതി ഗോള് ഒഴിഞ്ഞു നിന്നു.
ബാഴ്സയുടെ മുന്നേറ്റ നിരക്കാരായ ലയണല് മെസിയും ലൂയിസ് സുവാരസും നെയ്മറും വിയ്യാറയലിനെതിരേ ഗോള് നേടി. ഈ സീസണിലെ ഏറ്റവും വമ്പന് പരാജയമാണ് വിയ്യാറയല് ബാഴ്സയില് നിന്ന് ഏറ്റുവാങ്ങിയത്.
നെയ്മറാണ് സ്കോറിംഗ് തുടങ്ങിയത്്.21-ാം മിനിറ്റില് മെസിയുടെ പാസ് മുതലാക്കി നെയ്മര് വിയ്യാറയലിന്റെ പോസ്റ്റിലേയ്ക്ക് നിറയൊഴിച്ചു.
ഏറെതാമസിയാതെ സിഡറിക് ബകാംമ്പു വിയ്യാറയലിനെ സമനില നേടിക്കൊടുത്തു. ബാഴയുടെ പ്രതിരോധനിരയൊരുക്കിയ ഓഫ്സൈഡ് കെണി തകര്ത്താണ് സിഡ്റിക്ക് ഗോള് നേടിയത്്. ഗോള് വീണതോടെ പതറിയ ബാഴ്സ വൈകാതെ തന്നെ ലീഡ് നേടി. ലയണല് മെസിയുടെ നീക്കമാണ് ഗോളില് കലാശിച്ചത്.
അറുപത്തിയൊന്പതാം മിനിറ്റില് സുവാരസ്് ശക്തമായ ഷോട്ടിലൂടെ ഗോള് നേടി.കളിയാവാസിക്കാന് എട്ടു മിനിറ്റുളളപ്പോള് മെസി പെനാല്റ്റി കിക്കിലൂടെ ഗോള് പട്ടിക പൂര്ത്തിയാക്കി.
മറ്റൊരു മത്സരത്തില് അത്ലറ്റിക്കോ മാഡ്രിഡ് മടക്കമില്ലാത്ത ഒരുഗോളിന് ഐബാറിനെ തോല്പ്പിച്ചു. സുവാള് നിഗൂസാണ് ഗോള് നേടിയത്. സ്പോര്ട്ടിംഗ് ജിയോണ് എതിരില്ലാത്ത ഒരു ഗോളിന് ലാസ് പാമസിനെ പരാജയപ്പെടുത്തി.
