മലപ്പുറം: എസ്എസ്എല്‍സി പരീക്ഷയില്‍ പതിവ് തെറ്റിക്കാതെ ജില്ലയിലെ മിടുക്കന്മാരും മിടുക്കികളും വിജയിച്ചു കയറി. 95.53 ശതമാനം വിജയം ജില്ല കൈവരിച്ചു. 80584 പേര്‍ ഇത്തവണ പരീക്ഷ എഴുതിയതില്‍ 76985 പേര്‍ വിജയിച്ചു. 3640 പേര്‍ എല്ലാ വിഷയങ്ങളിലും എ പ്ലസ് നേടി. വിദ്യാഭാസ ജില്ലകളിലെ വിജയശതമാനങ്ങള്‍ ഇങ്ങനെ മലപ്പുറം- 97.62, തിരൂര്‍- 94.26, വണ്ടൂര്‍ 94.38, തിരൂരങ്ങാടി- 94.72.
എ പ്ലസ് നേട്ടത്തില്‍ പെണ്‍കുട്ടികളാണ് മുന്നില്‍. 2433 പെണ്‍കുട്ടികള്‍ക്ക് ഈ നേട്ടം കൈവരിച്ചപ്പോള്‍ ആണ്‍കുട്ടികളുടെ എണ്ണം 1207 മാത്രം.
വിദ്യാഭ്യാസ ജില്ലകളില്‍ എപ്ലസ് നേടിയവര്‍ കൂടുതലുള്ളത് മലപ്പുറത്താണ്, 1592 പേര്‍. കുറവ് തിരൂരില്‍ 522.
പ്രതികരിക്കാൻ ഇവിടെ എഴുതുക: