തിരുവനന്തപുരം: വരാനിരിക്കുന്ന ഉത്തരവിന്റെ പേരില് കരമന എച്ച്എസ്എല്പി സ്കൂള് കെട്ടിടം ഒഴിയണമെന്നാവശ്യപ്പെട്ട് സ്കൂള് അധികാരിക്ക് സംസ്ഥാന ശിശുക്ഷേമ സമിതി കത്തയച്ചു. ഇതില് പ്രതിഷേധിച്ച് സ്കൂള് വികസന സമിതി ഉപവാസസമരം നടത്തി. ശിശുക്ഷേമ സമിതിയുടെ കീഴിലുള്ള മോണ്ടിസോറി സ്കൂള് കരമന എച്ച്എസ് എല്പി സ്കൂള് കെട്ടിടത്തിലേക്ക് മാറ്റണമെന്നും മെയ് 2 ന് പൂട്ടി താക്കോല് ഏല്പ്പിക്കണമെന്നും ആവശ്യപ്പെട്ട് ജനറല് സെക്രട്ടറി അഡ്വ. എസ്.പി.ദീപക് ആണ് കത്തുനല്കിയത്.
എന്നാല് ഈ കത്താകട്ടെ 2017 ജൂലൈ 19-ാം തീയതിയിലെ സര്ക്കാര് ഉത്തരവിന്പ്രകാരമുള്ളതാണ്. കത്തിലെ അപാകതയ്ക്കെതിരെയും സ്കൂള് അടച്ചുപൂട്ടുന്നതിനെതിരെയുമാണ് സ്കൂള് വികസന സമിതിയുടെ നേതൃത്വത്തില് നാട്ടുകാര് സ്കൂളിന് മുന്നില് ഉപവസിച്ചത്.
125 വര്ഷം പഴക്കമുള്ള എച്ച്എസ്എല്പിഎസ് സ്കൂളില് 35 വിദ്യാര്ത്ഥികളാണ് ഇപ്പോള് പഠിക്കുന്നത്്്. സ്കൂള് വികസന സമിതി വാര്ഡ് കൗണ്സിലര് കരമന അജിത്തിന്റെ നേതൃത്വത്തില് നടത്തിയ ഉപവാസസമരം ശ്രീപാര്വ്വതീപുരം പദ്മനാഭന് ഉദ്ഘാടനം ചെയ്തു. വികസന സമിതി ചെയര്മാന് എസ്.ജാഫര് അധ്യക്ഷനായിരുന്നു. വിവിധ കക്ഷിനേതാക്കളായ കരമന ജയന്, നെടുംകാട് ശ്രീകണ്ഠന്, കാലടി ഹരി, തമലം ഉണ്ണി എന്നിവര് സംസാരിച്ചു.
