ചേര്ത്തല: പാതിരപ്പള്ളി എക്സല് ഗ്ലാസസ് കമ്പനി തുറന്ന് പ്രവര്ത്തിപ്പിക്കാന് നടപടി സ്വീകരിക്കണമെന്ന് ആവശ്യപ്പെട്ട് എക്സല് ഗ്ലാസ് വര്ക്കിങ് എംപ്ലോയീസ് അസോസിയേഷന് ബിഎംഎസ് പ്രക്ഷോഭത്തിലേക്ക്. കമ്പനിയുടെ പ്രവര്ത്തനം നിലച്ചിട്ട് എട്ടര വര്ഷം പിന്നിട്ടിട്ടും അധികൃതര് നടപടി സ്വീകരിക്കാന് തയാറാകാത്തത് പ്രതിഷേധാര്ഹമാണെന്ന് ജില്ലാ സെക്രട്ടറി സി.ജി. ഗോപകുമാര്, എം.എസ്. ശ്രീകുമാര്, ഒ.എന്. സുനില്കുമാര്, ഒ.ജെ. ചാക്കോ എന്നിവര് പറഞ്ഞു. തൊഴിലാളികളുടെ റിട്ടയര്മെന്റ് ആനുകൂല്യങ്ങള്പോലും വിതരണം ചെയ്യാത്തത് നീതിനിഷേധമാണ്. സ്ഥാപന അധികാരികളെ സംരക്ഷിക്കുന്ന നിലപാടാണ് മാറിമാറി വരുന്ന സര്ക്കാരുകള് സ്വീകരിക്കുന്നതെന്നും അവര് കുറ്റപ്പെടുത്തി. തൊഴില് നയങ്ങളുടെ ലംഘനം നടത്തിയ കമ്പനി അധികൃതരെ സംരക്ഷിക്കുന്ന നിലപാടാണ് സര്ക്കാര് സ്വീകരിക്കുന്നതെന്നും അവര് കുറ്റപ്പെടുത്തി. കമ്പനി അടച്ചുപൂട്ടുന്ന സമയത്ത് നല്കിവരുന്ന വേതനത്തിന്റെ 70 ശതമാനം 24 മാസക്കാലം ഇഎസ്ഐ കോര്പ്പറേഷന് തൊഴിലാളികള്ക്ക് നല്കണമെന്നാണ് വ്യവസ്ഥ. കമ്പനി പൂട്ടിയിട്ടും സ്ഥാപനത്തെ കുറിച്ച് സര്ക്കാര് വ്യക്തത നല്കാത്തതിനാല് ഈ ആനുകൂല്യവും തൊഴിലാളികള്ക്ക് നിഷേധിക്കപ്പെട്ടുവെന്നും ഇതേ തുടര്ന്നാണ് സമരത്തിനൊരുങ്ങുന്നതെന്നും നേതാക്കള് പറഞ്ഞു.
എക്സല് ഗ്ലാസ് തുറക്കണം
ബന്ധപ്പെട്ട വാര്ത്തകള്
പുതിയ വാര്ത്തകള്
ജന്മഭൂമി ഓണ്ലൈന്© Mathruka Pracharanalayam Limited.
Tech-enabled by Ananthapuri Technologies.