ഓക്ലന്ഡ്: ന്യൂസിലാന്ഡിന് പരിക്ക് തിരിച്ചടി. പേസ് ബൗളര് ആദം മില്നെക്കാണ് പരിക്കേറ്റത്. ക്വാര്ട്ടറില് വെസ്റ്റിന്ഡീസിനെതിരായ മത്സരത്തിനിടെ ഉപ്പൂറ്റിക്കാണ് മില്നെക്ക് പരിക്കേറ്റത്. ഇതോടെ ലോകകപ്പില് ഇനിയുള്ള മത്സരങ്ങളില് മില്നെ കളിക്കാനിറങ്ങില്ല.
മില്നെക്ക് പകരം മാറ്റ് ഹെന്റി മില്നെയ്ക്ക് പകരം 15 അംഗ ടീമിലെത്തുമെങ്കിലും ഇന്നത്തെ നടക്കുന്ന സെമിയില് മിച്ചല് മക്ക്ലിനഹാന് അവസാന ഇലവനില് ഇടംപിടിക്കാനാണ് സാധ്യത.
പരിക്കേറ്റ മില്നെക്ക് സ്കാനിങ്ങില് വിശ്രമം ആവശ്യമാണെന്ന് കണ്ടതോടെയാണ് ടീമില് നിന്ന് ഒഴിവാക്കിയത്. ക്വാര്ട്ടറില് നാല് ഓവറുകള് മാത്രമേ എറിയാനായുള്ളൂവെങ്കിലും ക്രിസ് ഗെയ്ലിന്റെ നിര്ണായക വിക്കറ്റ് വീഴ്ത്തി മില്നെയായിരുന്നു കിവികളെ വിജയത്തിലേക്ക് നയിച്ചത്.
നേരത്തേ അഫ്ഗാനിസ്ഥാന് എതിരായ ഗ്രൂപ്പ് മത്സരത്തില് ഫീല്ഡിങ്ങിനിടെ മില്നെയുടെ ചുമലിന് പരിക്കേറ്റിരുന്നു. ബംഗ്ലാദേശിന് എതിരായ അവസാന ഗ്രൂപ്പ് മത്സരം നഷ്ടമായ മില്നെ വിന്ഡീസിനെതിരായ ക്വാര്ട്ടര് മത്സരത്തിലാണ് ടീമില് തിരിച്ചെത്തിയത്. എന്നാല് ക്വാര്ട്ടറിനിടെ മില്നെക്ക് വീണ്ടും പരിക്കേറ്റത് കിവികള്ക്ക് വന് തിരിച്ചടിയായിരിക്കുകയാണ്.
