ശ്രീകണ്ഠപുരം: വന് കവര്ച്ചാ സംഘത്തിലെ കണ്ണികളായ രണ്ടുപേരെ ശ്രീകണ്ഠപുരം പോലീസ് അറസ്റ്റ് ചെയ്തു. നടുവില് സ്വദേശി വാണിയംകണ്ടി സമേഷ് (22), വിളക്കന്നൂര് പുലിയരക്കല് വിജേഷ് (29) എന്നിവരെയാണ് അറസ്റ്റ് ചെയ്തത്. രണ്ട് വ്യത്യസ്ത കേസുകളിലാണ് ഇരുവരും അരസ്റ്റിലായത്. കഴിഞ്ഞ ജനുവരി 28ന് ശ്രീകണ്ഠപുരം കോട്ടൂരിലെ റബ്കോ ഓഫീസിന്റെ പൂട്ടുതകര്ത്ത് 80000 രൂപ കവര്ന്ന കേസിലാണ് സുമേഷ് അറസ്റ്റിലായത്. ഫെബ്രുവരി 9ന് വിളക്കന്നൂരിലെ അറങ്ങനാല് രാജമ്മയുടെ വീട്ടില് നിന്നും ഒന്നേമുക്കാല് പവന്സ്വര്ണ്ണമാല കവര്ന്ന കേസിലാണ് ചെത്തുതൊഴിലാളികൂടിയായ വിജേഷ് പിടിയിലായത്. ഇവര് ഉള്പ്പെട്ട ആറംഗ സംഘം നിരവധി കവര്ച്ചാ കേസുകളില് പങ്കെടുത്തതായാണ് പോലീസിന്കിട്ടുന്ന സൂചന. ശ്രീകണ്ഠപുരം റബ്കോയിലെ താല്കാലിക ഡ്രൈവര് നടുവില് സ്വദേശി ഷക്കീര്, സുഹൃത്ത് നടുവിലിലെ അഷറഫ്, ജനൈദ്, അശ്വിന് എന്നിവരടങ്ങിയ സംഘമാണ് റബ്കോ കവര്ച്ചയും മാലപൊട്ടിക്കലും നടത്തിയത്. അഷറഫ്, ജുനൈദ്, അശ്വിന് എന്നിവര് മാര്ച്ച് 27ന്കൊണ്ടോട്ടിയില്വെച്ച് നടന്ന ഒരു കവര്ച്ചാ ശ്രമത്തിനിടയില് പോലീസിന്റെ പിടിയിലായിരുന്നു. ഇവരെ ചോദ്യം ചെയ്തപ്പോഴാണ് ശ്രീകണ്ഠപുരത്തെ കവര്ച്ചക്ക് തുമ്പുണ്ടായത്. നടുവില് മേഖലയിലെ രാഷ്ട്രീയ സംഘര്ഷ കേസുകളിലും പീഡന കേസുകളിലും പ്രതിയാണ് ഷക്കീര്.
സിഐ വി.വി.ലതീഷിന്റെ നേതൃത്വത്തിലുള്ള പോലീസ് സംഘം ഇവരെ വിശദമായി ചോദ്യംചെയ്തുവരികയാണ്.
