ചെമ്പേരി: കടയില് നിന്നുവാങ്ങിയ ചോക്ലേറ്റ് പാക്കറ്റില് പുഴുക്കള് കാണപ്പെട്ടതായി ആക്ഷേപം. കുട്ടികള് ഏറെ ഇഷ്ടപ്പെടുന്ന ചോക്ലേറ്റ് ഉല്പന്നമായ ചോക്കോസ് എന്ന പേരിലുള്ള മധുര പലഹാരത്തിലാണ് നുരക്കുന്ന പുഴുക്കളെ കണ്ടെത്തിയത്. പൈസക്കരിയിലെ ഫോട്ടോഗ്രാഫര് മനോജും കുടുംബവും വ്യാപാരാവശ്യങ്ങള്ക്കായി ചെമ്പേരിയിലെത്തിയപ്പോള് ടൗണിലെ ഒരു കൂള്ബാറില് നിന്ന് മക്കള്ക്ക് വാങ്ങിനല്കിയതായിരുന്നു രണ്ട് പാക്കറ്റ് ചോക്കോസ്.
തിരികെയുള്ളയാത്രക്കായി കുട്ടികള് പാക്കറ്റ് പൊട്ടിച്ചപ്പോള് പുഴുക്കള് ശ്രദ്ധയില്പ്പെടുകയായിരുന്നു. ഉടന്തന്നെ കടയില് തിരികെയെത്തി വിവരം പറഞ്ഞപ്പോള് പണം മടക്കി നല്കുകയും ചെയ്തു. എട്ട് മാസം ഉപയോഗ കാലാവധിയുണ്ടെന്ന് പറയുന്ന ഉല്പന്നത്തിന്റെ നിര്മ്മാണ തിയ്യതി 27 ഒക്ടോബര് 2016 ആണ്. ഇതുപ്രകാരം രണ്ടുമാസത്തിലേറെക്കാലം കൂടി ഉപയോഗ യോഗ്യമാണെന്ന കാരണത്താല് നിര്മ്മാതാക്കള്ക്കെതിരെ പരാതിപ്പെടാന് ഉപഭോക്താവോ കടയുടമയോ തയ്യാറായിട്ടില്ല. ഈ സാഹചര്യത്തില് ബന്ധപ്പെട്ട ആരോഗ്യ വകുപ്പിധികൃതര് ഇത്തരം ഉല്പന്നങ്ങള് വില്പ്പനനടത്തുന്ന കടകളില് നിരന്തരം പരിശോധനകള് നടത്തണമെന്ന് നാട്ടുകാര് ആവശ്യപ്പെട്ടു.
