കണ്ണൂര്: ടെക്സ്റ്റെല് മന്ത്രാലയത്തിന് കീഴിലുള്ള കണ്ണൂര് നാഷണല് ഇന്സ്റ്റിറ്റിയൂട്ട് ഓഫ് ഫാഷന് ടെക്നോളജിയുടെ സാധ്യതകള് വേണ്ടത്ര ഉപയോഗപ്പെടുത്തിയിട്ടില്ലെന്ന് പി.കെ.ശ്രീമതി എം.പി.കേന്ദ്രടെക്സ്റ്റൈല് മന്ത്രാലയത്തിന്റെ പവര്ലൂം ടെക്സ് ഇന്ത്യ പദ്ധതിയുടെ സംസ്ഥാനതല ഉദ്ഘാടനം ജില്ലാവ്യവസായ കേന്ദ്രത്തില് നിര്വഹിക്കുകയായിരുന്നു എം.പി.
വിദേശീയര്ക്ക് ഉള്പ്പെടെ കൈത്തറി വസ്ത്രങ്ങള് പ്രിയമായതിനാല് കണ്ണൂര് വിമാനത്താവളം യാഥാര്ത്ഥ്യമാകുന്നതോടെ അവയുടെ കയറ്റുമതി വിപണന സാധ്യത വര്ദ്ധിക്കും. സംസ്ഥാനത്ത് മികച്ച കൈത്തറി പ്രവര്ത്തനം നടക്കുന്നത് കണ്ണൂര് ജില്ലയിലാണ്. ഇക്കാര്യം കേന്ദ്ര ടെക്സ്റ്റയില്സ് മന്ത്രി സ്മൃതി ഇറാനിയെ ബോധ്യപ്പെടുത്തിയതായും എം.പി.പറഞ്ഞു.
നിലവില് കേന്ദ്ര സര്ക്കാര് ടെക്സ്റ്റൈല്സ് മേഖലയ്ക്ക് പ്രാധാന്യം നല്കി വരുന്നുണ്ട്. തൊഴില് മേഖലയെ പിടിച്ചു നിര്ത്തുന്ന പദ്ധതികളും നടപ്പാക്കുന്നുണ്ട്. സംസ്ഥാനത്ത് മികച്ച രീതിയില് പ്രവര്ത്തിക്കുന്ന കണ്ണൂരിലെ കൈത്തറി മേഖല നേരിടുന്ന കയറ്റുമതി പ്രതിസന്ധി കേന്ദ്രമന്ത്രിയുടെ ശ്രദ്ധയില് കൊണ്ടുവരുന്നതിനും മേഖലയില് വിവിധ പദ്ധതികള് നടപ്പാക്കുന്നതിനും വ്യവസായ കേന്ദ്രം കേന്ദ്ര ടെക്സ്റ്റൈല് മന്ത്രാലയത്തില് സമ്മര്ദ്ധം ചെലുത്തണമെന്നും എം.പി.പറഞ്ഞു.
ജില്ലാവ്യവസായ കേന്ദ്രം ജനറല് മാനേജര് ഡി.രാജേന്ദ്രന് ചടങ്ങില് അധ്യക്ഷനായി. കെ.വി.സുമേഷ്, സി.ജയചന്ദ്രന്, മഹേഷ്ചന്ദ്രബാലിഗ, വി.സച്ചിന്, എം.പി.പ്രഭാകരന്, ആര്.മഹേഷ്കുമാര് എന്നിവര് സംസാരിച്ചു.
