വേങ്ങര: നരേന്ദ്രമോദി സര്ക്കാരിന്റെ കരങ്ങള്ക്ക് ശക്തിപകരാന് മലപ്പുറത്ത് എന്ഡിഎ സ്ഥാനാര്ത്ഥിയെ വിജയിപ്പിക്കുമെന്ന് വേങ്ങര മണ്ഡലത്തിലെ ജനങ്ങള് ഉറക്കെ പ്രഖ്യാപിച്ചു. ജനഹൃദയങ്ങള് കീഴടക്കി അഡ്വ.എന്.ശ്രീപ്രകാശിന്റെ മൂന്നാംഘട്ട പ്രചാരണം മുന്നേറുകയാണ്. ഓരോരുത്തരെയും നേരിട്ട് കണ്ട് വോട്ട് അഭ്യര്ത്ഥിക്കാന് പരമാവധി സ്ഥാനാര്ത്ഥി ശ്രമിക്കുന്നുണ്ട്.
ഇന്നലെ രാവിലെ മുതല് കൊണ്ടോട്ടി, വേങ്ങര നിയോജക മണ്ഡലങ്ങളിലെ വിവിധ കുടുംബയോഗങ്ങളില് പങ്കെടുത്ത ശേഷം റിട്ടയേര്ഡ് ആര്ഡിഒ രവീന്ദ്രനെ സന്ദര്ശിച്ചു. അതിന് ശേഷം ഭാരത് കോളജിലെ വിദ്യാര്ത്ഥികളെ നേരില്ക്കണ്ട് വോട്ടഭ്യര്ത്ഥിച്ചു. പിന്നീട് വാഴക്കാട്, ആന്തായൂര്, വാഴയൂര് എന്നിവിടങ്ങളില് നടന്ന കുടുംബയോഗങ്ങളിലും പങ്കെടുത്തു. സ്ഥാനാര്ത്ഥിയോടൊപ്പം ബി.ജെ.പി സംസ്ഥാന വൈസ് പ്രസിഡന്റ് കെ.പി.ശ്രീശന് മാസ്റ്റര്, ബി.ഡി.ജെ.എസ് സംസ്ഥാന സെക്രട്ടറി ബി.സുരേഷ് ബാബു, ജെ.ആര്.എസ് വര്ക്കിംഗ് ചെയര്മാന് ഇ.പി.കുമാരദാസ്, ബിഡിജെഎസ് ജില്ലാ ജനറല് സെക്രട്ടറി പ്രദീപ് ചുങ്കപ്പള്ളി എന്നിവര് വിവിധ കുടുംബയോഗങ്ങളില് പങ്കെടുത്തു.
