മാള: മാനേജ്മെന്റിന്റെ ദ്രോഹ നടപടിക്കെതിരെ മെറ്റ്സ് എന്ജിനീയറിംഗ് കോളേജില് വിദ്യാര്ഥികളുടെ സത്യഗ്രഹ സമരം ആരംഭിച്ചു. എബിവിപി, കെഎസ്യു, എഐഡിഎസ്ഒ എന്നീ വിദ്യാര്ഥി സംഘടനകളുടെ പിന്തുണയോടെയാണ് സമരം ആരംഭിച്ചിരിക്കുന്നത്
എബിവിപി യെ പ്രതിനീധികരിച്ച് വിഭാഗ് കണ്വീനര് അജിത് വിആര്, കെഎസ് യുവിനെ പ്രതിനീധികരിച്ച് ഹക്കിം, എഐഡിഎസ്ഒവിനെ പ്രതിനിധികരിച്ച് ഷെയ്ക്കാല് എന്നിവര് സംസാരിച്ചു.
വിവിധ വിഭാഗത്തിലെ വിദ്യാര്ഥികള് സമരത്തില് പങ്കെടുത്തു.
കോഴിക്കോട് സര്വ്വകലാശാല അംഗീകരിക്കാത്ത അഡോണ്കോഴ്സിന്റെ പേരില് 40 വിദ്യാര്ഥികളില് നിന്നും അനാവശ്യമായി 10305 രൂപ നിര്ബന്ധപൂര്വ്വം വാങ്ങിയെന്നാണ് വിദ്യാര്ഥികളുടെ ഒരു പരാതി. കോളേജിലെ അദ്ധ്യാപകര് ലഹരി പദാര്ഥങ്ങള് ഉപയോഗിക്കുന്നതായും വിദ്യാര്ഥിനികളോട് അപമര്യാദയായി പെരുമാറുന്നതായും പരാതിയുണ്ട്.
കോളേജ് പ്രിന്സിപ്പാളിന്റെ മാനസിക പീഡനം മൂലം എട്ട് വിദ്യാര്ത്ഥികള് ആത്മഹത്യ ഭീഷണി മുഴക്കിയിരുന്നു. കഴിഞ്ഞ വര്ഷം ഒരു വിദ്യാര്ഥിയെ പ്രിന്സിപ്പാള് പേപ്പര് വെയിറ്റ് കൊണ്ട് ഇടിച്ച്തായും പരാതിയില് പറയുന്നു. ഇതിനെതിരെ പ്രതികരിച്ച വിദ്യാര്ഥികളെ മാനേജ്മെന്റ് കള്ളക്കേസില് കുടുക്കിയിട്ടുണ്ട്.
മാനേജ്മെന്റിന്റെ ഈ വിദ്യാര്ഥിവഞ്ചനക്കെതിരെ ശക്തമായി മുന്നോട്ട് പോകുമെന്നും സമരം ശക്തമാക്കുമെന്നും മാള മെറ്റ്സ് സ്റ്റുഡന്സ് ഭാരവാഹികള് പറഞ്ഞു
