ചെറുപുഴ: 2017 ഫെബ്രുവരി പത്താം തീയ്യതി അരവഞ്ചാല് പള്ളി പെരുന്നാളിനോടനുബന്ധിച്ചുണ്ടായ വെടിക്കെട്ടപകടത്തില് രണ്ട് പേര്ക്ക് പരിക്കേല്ക്കുകയും പതിനേഴ് ദിവസത്തോളം കോഴിക്കോട് മെഡിക്കല് കോളജില് കിടന്ന ശേഷം മൗവനാല് സുജിത്ത് എന്ന ഓട്ടോെ്രെഡവര് മരണപ്പെടുകയും ചെയ്തു. മറ്റോരാള് ഇപ്പോഴും ചികിത്സയിലാണ്. അപകടം നടന്ന് ഒരു മാസമായിട്ടും ലൈസന്സില്ലാതെ വെടിക്കെട്ട് നടത്തിയവര്ക്കെതിരെ കേസെടുക്കാനോ അപകടത്തില് മരണപ്പെട്ടയാളുടെ കുടുംബത്തിന് അര്ഹമായ നഷ്ടപരിഹാരം നല്കാനോ തയ്യാറായിട്ടില്ല. ബിജെപി പഞ്ചായത്ത് കമ്മിറ്റി ഇതുമായി ബന്ധപ്പെട്ട് കണ്ണൂര് ജില്ല പോലീസ് സൂപ്രണ്ടിനടക്കം പരാതി നല്കിയിട്ടും യാതൊരു നടപടിയും സ്വീകരിച്ചിട്ടില്ല. നിരോധിച്ച സ്ഫോടക വസ്തു ഉപയോഗിച്ച പള്ളി അധികാരികള്ക്കെതിരെയും സംഭവം പൂഴ്ത്തിവച്ചവര്ക്കെതിരെയും നടപടിയെടുക്കുവാനും കുടുംബത്തിന് സര്ക്കാര് ധനസഹായം നല്കുവാനും തയ്യാറാകാത്തപക്ഷം ബിജെപി ശക്തമായ സമരം നടത്തുമെന്ന് ബിജെപി പെരിങ്ങോം പഞ്ചായത്ത് കമ്മിറ്റി ഭാരവാഹികള് അറിയിച്ചു. പത്രസമ്മേളനത്തില് തമ്പാന് തവിടിശ്ശേരി, ദാമോദരന് അരവഞ്ചാല്, രാമചന്ദ്രന്.കെ.വി, പി.വി.ചന്ദ്രന് എന്നിവര് സംസാരിച്ചു.
വെടിക്കെട്ടപകടം ആവശ്യമായ നഷ്ട പരിഹാരം നല്കണം: ബിജെപി
ബന്ധപ്പെട്ട വാര്ത്തകള്
പുതിയ വാര്ത്തകള്
ജന്മഭൂമി ഓണ്ലൈന്© Mathruka Pracharanalayam Limited.
Tech-enabled by Ananthapuri Technologies.