പത്തനാപുരം: പിറവന്തൂര് പഞ്ചായത്ത് പ്രസിഡന്റിനോട് പാര്ട്ടി രാജി ആവശ്യപ്പെട്ടു. പഞ്ചായത്ത് പ്രസിഡന്റ് പി.എസ്.ശശികലയോട് രാജി വയ്ക്കാനാണ് സിപിഐ പത്തനാപുരം മണ്ഡലം കമ്മിറ്റി ആവശ്യപ്പെട്ടിരിക്കുന്നത്. തുടര്ച്ചയായി പഞ്ചായത്ത് ഭരണസമിതിയിലുണ്ടാകുന്ന പ്രശ്നങ്ങള് കാരണമാണ് രാജി ആവശ്യം. സിപിഐ പ്രതിനിധിയായ പഞ്ചായത്ത് പ്രസിഡന്റ് നടപ്പാക്കുന്ന മിക്ക പദ്ധതികളും അംഗീകരിക്കാനോ നടപ്പിലാക്കാനോ ഭരണസമിതിയിലെ തന്നെ മറ്റ് അംഗങ്ങള് തയ്യാറാകുന്നില്ലെന്ന് ആക്ഷേപം ഉയര്ന്നിരുന്നു. രണ്ടര വര്ഷം സിപിഐക്കും ബാക്കി സിപിഎമ്മിനുമാണ് പ്രസിഡന്റ് സ്ഥാനം. പ്രസിഡന്റും വൈസ് പ്രസിഡന്റും തമ്മിലുള്ള അഭിപ്രായവ്യത്യാസമാണ് പ്രശ്നങ്ങള് രാഷ്ട്രീയ തലത്തിലേക്ക് എത്തിച്ചത്. ഇതിനിടെ പിറവന്തൂര് പഞ്ചായത്ത് ഭരണസമിതിയില് സിപിഐ നിലപാട് കടുപ്പിച്ചിരുന്നു. കഴിഞ്ഞ ദിവസം ഗ്രാമപഞ്ചായത്തിന്റെ വര്ക്കിങ് ഗ്രൂപ്പ് യോഗത്തിലുണ്ടായ പ്രശ്നമാണ് രാജി ആവശ്യത്തിലേക്ക് എത്തിച്ചത്. കഴിഞ്ഞ ദിവസം പഞ്ചായത്തില് നടന്ന യോഗത്തില് സിപിഎം പ്രതിനിധിയായ വര്ക്കിങ് ഗ്രൂപ്പ് ഉപാധ്യക്ഷനാണ് പ്രസിഡന്റിനെതിരെ മോശം ഭാഷയില് സംസാരിച്ചിരുന്നു. ഇതിനെ തുടര്ന്ന് പ്രസിഡന്റ് സിപിഎം ഏരിയ കമ്മിറ്റിക്കും സിപിഐ മണ്ഡലം കമ്മിറ്റിക്കും പഞ്ചായത്ത് സെക്രട്ടറിക്കും പരാതി നല്കിയിരുന്നു. തിങ്കളാഴ്ച നടക്കുന്ന പഞ്ചായത്ത് കമ്മിറ്റിയില് രാജി പ്രമേയം അവതരിപ്പിക്കാനാണ് സാധ്യത.
പഞ്ചായത്ത് പ്രസിഡന്റിന് പാര്ട്ടിയുടെ രാജിനിര്ദേശം
ബന്ധപ്പെട്ട വാര്ത്തകള്
പുതിയ വാര്ത്തകള്
ജന്മഭൂമി ഓണ്ലൈന്© Mathruka Pracharanalayam Limited.
Tech-enabled by Ananthapuri Technologies.