ഗൗരി കല്യാണിയും കൂട്ടാളികളും ആഹ്ലാദം പങ്കുവച്ചപ്പോള്
തിരുവനന്തപുരം: ലോ അക്കാദമി സമരം ചരിത്ര വിജയമായപ്പോള് അതിന് പിന്നില് പ്രവര്ത്തിച്ച പെമ്പടയുടെ അണിയറയില് നിന്ന് ചുക്കാന് പിടിച്ചതില് പ്രധാനിയായി അക്കാദമിയിലെ നാലാം വര്ഷ വിദ്യാര്ത്ഥിനി ഗൗരികല്ല്യാണി.
അക്കാദമി മാനേജ്മെന്റ് സമരത്തെ കണ്ടില്ലെന്ന് നടിച്ചതോടെ ബിജെപി മുന്സംസ്ഥാന പ്രസിഡന്റ് വി.മുരളീധരന്റെ ശ്രദ്ധയില് വിഷയം കൊണ്ടുചെന്നെത്തിച്ചത് ഗൗരിയായിരുന്നു. അക്കാദമിയിലെ കൊള്ളരുതായ്മകള് സസൂക്ഷമം നിരീക്ഷിച്ച മുരളീധരന് ബിജെപി സംസ്ഥാന പ്രസിഡന്റ് കുമ്മനം രാജശേഖരനോട് വിഷയത്തിന്റെ് ഗൗരവത്തെക്കുറിച്ച് പങ്കുവച്ചു. തുടര്ന്നായിരുന്നു വി. മുരളീധരന്റെ ഉപവാസ സമരം. ഈ ഉപവാസ സമരത്തോടെയാണ് അക്കാദമി സമരത്തിന് പുതിയൊരു മുഖം കൈവന്നത്. ഇല്ലെങ്കില് പതിവുപോലെ മറ്റ് സമരങ്ങളെപ്പോലെ അക്കാദമി സമരവും അഡ്ജസ്റ്റ്മെന്റ് സമരമാകുമായിരുന്നു. ഭരണ തലത്തിലും അക്കാദമിക് തലത്തിലും ഏറെ സ്വാധീനമുള്ള ലോ അക്കാദമി ഭരണസമിതിക്ക് നിഷ്പ്രയാസം സമരത്തെ ഇല്ലാതാക്കാനും സാധിക്കും. ഗൗരികല്ല്യാണിയുടെ സമയോചിത ഇടപടല് സമരത്തിന് അന്തിമ വിജയം ഉണ്ടാക്കി. എബിവിപി ലോ അക്കാദമി യൂണിറ്റ് വൈസ്പ്രസിഡന്റ് കൂടിയായ ഗൗരി അന്തരിച്ച ബിജെപി നേതാവ് ബി.കെ. ശേഖറിന്റെ മകളാണ്. സമരമുഖത്ത് മുന്നില് നിന്ന് നയിച്ചില്ലെങ്കിലും പെമ്പിളൈ കൂട്ടായ്മയുടെ നേതൃത്വം ഏറ്റെടുത്ത് സമരമുഖത്ത് ഉറച്ച് നിന്ന ആര്യാ ജോണ്, ആശാ ട്രീസാ, ജസ്റ്റ്ലിന് എന്നിവരുടെ ആശയും ആവേശവുമായി മാറിയത് ഗൗരിയായിരുന്നു. അന്തിമ വിജയം വിദ്യാര്ത്ഥികള്ക്ക് അനുകൂലമായതില് അതീവ സന്തോഷത്തിലാണ് ഗൗരിയും.
