പൊന്കുന്നം: കേരളത്തിലെ പ്രശസ്തരായ സംഗീത-വാദ്യ കുലപതികള് സമ്മേളിക്കുന്ന നാദനീരാഞ്ജന സംഗീതസമര്പ്പണം 10ന് രാവിലെ 9ന് ചിറക്കടവ് ശ്രീ മഹാദേവ ക്ഷേത്രാങ്കണത്തിലെ രംഗമണ്ഡപത്തില് അരങ്ങേറും.
സംഗീതാചാര്യനും ഡോക്ടര് ശെമ്മാങ്കുടി ശ്രീനിവാസ അയ്യരുടെ പ്രധാന ശിഷ്യനും ശ്രീ സ്വാതിതിരുനാള് സംഗീതകോളേജ് മുന് പ്രിന്സിപ്പലുമായ പ്രൊഫസര് പി.ആര്. കുമാര കേരളവര്മ്മയുടെ നേതൃത്വത്തില് സംഘടിപ്പിക്കുന്ന സത്ഗുരു ത്യാഗരാജ പഞ്ചരത്ന കീര്ത്തനാലാപനത്തില് എം.ജി. രവി, (കെപിഏസി) പ്രൊഫസര് പൊന്കുന്നം രാമചന്ദ്രന്, ഡോക്ടര് മാലിനി ഹരിഹരന്, പ്രൊഫസര് അമ്പലപ്പുഴ തുളസി, പ്രൊഫസര് മാവേലിക്കര പി. സുബ്രഹ്മണ്യം, പ്രൊഫസര് താമരക്കാട് ഗോവിന്ദന് നമ്പൂതിരി, കെ.ആര്. സത്യനേശന്, താമരക്കാട് കൃഷ്ണന് നമ്പൂതിരി, കോട്ടയം വീരമണി, വൈക്കം ജയചന്ദ്രന്, റിജു നാരായണന്, കിടങ്ങറ അജിത്, ജെയ്സണ് ജെ നായര്, വത്സലാ രാമകൃഷ്ണന്, ശ്രീരഞ്ജിനി ഹരിദാസ്, കെ.വി. ഹരികൃഷ്ണന്, മരുത്തോര്വട്ടം ഉണ്ണികൃഷ്ണന് പൂര്ണശ്രീ (വായ്പാട്ട്), കുമ്മനം ഉപേന്ദ്രനാഥ്, പുലിയന്നൂര് രാജീവ്, പാമ്പാടി നന്ദകുമാര്, മറിയപള്ളി സനല് (വയലിന്), പ്രൊഫസര് പാറശ്ശാല രവി, പ്രൊഫസര് എം.ബാലസുബ്രഹ്മണ്യം, കോട്ടയം ഹരീന്ദ്രനാഥ്, അനീഷ് കെ വാസുദേവന്, എരുമേലി രാജഗോപാല്, ഹരീഷ് (മൃദംഗം) പനമറ്റം അരുണ് (ഗഞ്ചിറ) എന്നിവര് പങ്കെടുക്കും.
ചിറക്കടവ് മഹാദേവ ക്ഷേത്രത്തിലെ തിരുവുത്സവത്തിന്റെ ഭാഗമായി സംഘടിപ്പിച്ചിട്ടുള്ള സംഗീത സമര്പ്പണ വേദിയില് സംഗീത വാദ്യ കുലപതികളെ ആദരിക്കും. ചിറക്കടവ് മുളകുന്നത്തുതാഴെ കുടുംബമാണ് നാദനീരാഞ്ജനം സമര്പ്പിക്കുന്നതെന്ന് പൊന്കുന്നം രാധാകൃഷ്ണന്, രഘുനാഥന്, വിമല്കുമാര്, രമേഷ്ചന്ദ്രന് എന്നിവര് വാര്ത്താകുറിപ്പില് അറിയിച്ചു. കോഴിക്കോട് സനല്കുമാറും സംഘവും അവതരിപ്പിക്കുന്ന പ്രത്യേക നാമസങ്കീര്ത്തനത്തോടെ നാദനീരാഞ്ജനം ആരംഭിക്കും. 9645077852, 9447808785
